‘YCMOU’च्‍या अभ्यासक्रमाची होळी; ‘AISF’तर्फे विद्यापीठ प्रांगणात आंदोलन | latest marathi news | Sakal
sakal

बोलून बातमी शोधा

AISF agitation in YCMOU Marathi News

‘YCMOU’च्‍या अभ्यासक्रमाची होळी; ‘AISF’तर्फे विद्यापीठ प्रांगणात आंदोलन

नाशिक : यशवंतराव चव्हाण महाराष्ट्र मुक्त विद्यापीठाच्या (YCMOU) बी.ए. तृतीय वर्ष राज्यशास्त्राच्या (Political science) परीक्षेतील प्रश्‍नांवर ऑल इंडिया स्‍टुडंट फेडरेशन (AISF) (एआयएसएफ) यांच्‍यातर्फे आक्षेप नोंदविला होता. यासंदर्भात गुरुवारी (ता.१४) मुक्‍त विद्यापीठाच्या प्रांगणात अभ्यासक्रमाची होळी करत निषेध नोंदविला. (AISF agitation on campus of YCMOU Nashik latest marathi news)

विद्यापीठातर्फे लेखी परीक्षेत शिवाजी महाराजांच्या राजनीतीला समर्थ रामदासांनी केलेले योगदान सांगा तसेच मनुस्मृती या ग्रंथाचे सामाजिक महत्त्व स्पष्ट करा, असे प्रश्न विचारले होते. या प्रश्‍नांना ‘एआयएसएफ’तर्फे निषेध नोंदविला होता. तसेच विद्यापीठाने माफी मागत अभ्यासक्रमातून हा भाग वगळावा, अशी मागणी संघटनेने केली होती.

हेही वाचा: Education : शिष्यवृत्ती परीक्षा आता 31 जुलैला

संविधान विरोधी मनुस्मृती तसेच शिवाजी महाराजांचा खोटा इतिहास लिहिणारी अभ्यासक्रम समिती रद्द करावी, संबंधित अधिकाऱ्यांच निलंबन करावे, या प्रकारची संपूर्ण जबाबदारी घेत कुलगुरूंनी अभ्यासक्रमातील इतिहासद्रोही तसेच घटनाविरोधी लिखाण तत्काळ मागे घेऊन, प्रश्नपत्रिकेत विचारण्यात आलेल्या प्रश्नांबाबत यशवंतराव चव्हाण महाराष्ट्र मुक्त विद्यापीठाने जाहीर माफी मागावी, अशी मागणी संघटनेने केली होती.

गुरुवारी संघटनेतर्फे कुलगुरू कार्यालयाबाहेर अभ्यासक्रमाची होळी करण्यात आली. आंदोलनाची दखल घेत प्रभारी कुलसचिव डॉ. प्रकाश देशमुख यांच्यामार्फत संघटनेच्या शिष्टमंडळाला चर्चेला बोलाविण्यात आल्‍याचे संघटनेने कळविले आहे.

आंदोलनानंतर अभ्यासक्रम समिती तत्काळ बरखास्त करत असल्‍याचे आश्‍वासन मिळाले असल्‍याचेही नमूद केले आहे. संघटनेच्या आग्रहानंतर डॉ. देशमुख यांनी विद्यापीठाच्या संकेतस्‍थळावर उपलब्ध असलेला हा अभ्यासक्रम तत्काळ वगळण्याचे आदेश दिले असल्‍याचेही कळविले आहे.

ऑल इंडिया स्टुडंट्स फेडरेशनचे राज्याध्यक्ष विराज देवांग, राज्य सहसचिव भीमा पाटील, कौन्सिल सदस्य तल्हा शेख, शहराध्यक्ष जयंत विजयपुष्प, शहरसचिव प्राजक्ता कापडणे, कैवल्य चंद्रात्रे, कैफ शेख, प्रज्ञा साळवे, दीक्षा साळवे आदी उपस्थित होते.

हेही वाचा: NMC Water Bill App : पाणीपट्टीच्या ॲपला अल्प प्रतिसाद

Web Title: Aisf Agitation On Campus Of Ycmou Nashik Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Nashikagitation newsYCMOU