नाशिक- राज्याचे उपमुख्यमंत्री तथा वित्तमंत्री अजित पवार सोमवारी (ता. १०) महायुती सरकारचा अर्थसंकल्प सादर करणार आहेत. या अर्थसंकल्पात शासन आगामी सिंहस्थ कुंभमेळ्यासाठी निधीची किती तरतूद करणार याकडे नाशिककरांचे लक्ष लागले आहे. .नाशिकमध्ये होणाऱ्या सिंहस्थ कुंभमेळ्याच्या तयारीसाठी प्रशासकीय पातळीवर वेग घेतला आहे. गर्दीचे नियोजन, साधुग्राम उभारणी, सार्वजनिक वाहतूक व्यवस्था, आपत्ती व्यवस्थापन, सीसीटीव्ही कॅमेरे उभारणी, वाहनतळ, आरोग्याच्या सुविधा, गोदावरी शुद्धीकरण, नदीघाट उभारणी व सुशोभीकरण, रस्त्यांची कामे अशा विविध पातळ्यांवर यंत्रणा सूक्ष्म नियोजन करत आहेत. त्यादृष्टीने आराखडा तयार केला जात आहे. पण, अवघ्या २२ महिन्यांवर सिंहस्थ येऊन ठेपलेला असताना शासनाने निधीची कोणतीच तरतूद केलेली नाही. सिंहस्थाच्या अनुषंगाने साधुग्रामसाठी भू-संपादन, प्रमुख रस्ते व शहराभोवतीच्या रिंगरोडची कामे, पुलांची कामे, गोदावरी नदीचे शुद्धीकरण अशा कामांना किमान १८ ते २० महिन्यांचा कालावधी लागणार आहे. ही कामे तातडीने हाती घेणे आवश्यक असून, त्याकरिता निधीची आवश्यकता आहे. .या सर्व पार्श्वभूमीवर सोमवारी (ता. १०) सादर होणाऱ्या अर्थसंकल्पात शासन पहिल्या टप्प्यात का होईना, निधी उपलब्ध करून देणार का हे पाहणे औत्स्युक्याचे ठरणार आहे. कुंभमेळ्याच्या अनुषंगाने नाशिक महापालिका, त्र्यंबकेश्वर पालिका, सार्वजनिक बांधकाम विभाग, पोलिस अशा विविध यंत्रणांनी आराखडे तयार केले. एकट्या महापालिकेचा १५ हजार कोटींची आराखडा होता. पण, शासन पातळीवरून एवढ्या प्रमाणात निधी मिळण्याची शक्यता कमी असल्याने आराखड्यात बदल केले गेले. मात्र, प्रयागराज दौऱ्यानंतर नियोजनातील त्रुटी समोर आल्याने महापालिकेसह सर्वच यंत्रणा आराखड्यांची पुनर्मांडणी केली आहे. .दोनशे कोटींचे केवळ आश्वासनवित्तमंत्री अजित पवार यांनी गेल्या महिन्यात जिल्ह्याची वार्षिक नियोजन आराखडा बैठक घेतली. या बैठकीमध्ये सिंहस्थासाठी तातडीने हाती घेण्याच्या कामांसाठी दोनशे कोटींचा निधी उपलब्ध करून द्यावा, अशी मागणी जिल्हा प्रशासनाने केली होती. मंत्री पवार यांनीदेखील मुख्यमंत्र्यांशी चर्चा करून निधी देण्याचे आश्वासन दिले होते. पण अद्यापही हा निधी उपलब्ध झालेला नाही..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
