अंबासन- परिसरात बिबट्याचे हल्ले थांबण्याचे नाव घेत नाहीत. शुक्रवारी पहाटेच्या सुमारास वळवाडे (ता. मालेगाव) शिवारात एका शेतकऱ्याच्या गायीच्या वासरावर बिबट्याने हल्ला करत त्याचा जागीच फडशा पाडला. या घटनेमुळे परिसरात भीतीचे वातावरण आहे..बिजोरसे शिवारालगत असलेल्या कुंभा-यानाजवळील शेतकरी नागू भिवसन अहिरे यांच्या शेतातील गाईचे एक ते दीड वर्षांचे वासरू पहाटे बिबट्याचा बळी ठरले. दूध काढण्यासाठी शेतकरी अमोल अहिरे सकाळी जनावरांकडे गेले असता, त्यांना ही दुर्दैवी घटना दिसून आली. दरम्यान दोन दिवसांपासून कांदा चाळीत साठवण सुरू असल्याने जनावरे चाळीच्या बाहेर मोकळ्या जागेत बांधली जात होती. नेमकी हीच संधी साधून बिबट्याने वासरावर झडप घातली.मालेगाव येथील वनविभागाचे वनपाल सोनाल पवार (निकम) यांनी तातडीने कर्मचाऱ्यांना घटनास्थळी रवाना केले..हद्दीचा गोंधळ अंबासन येथील बऱ्याच जमिनी मालेगाव तालुक्यातील वळवाडे शिवारात येतात. मात्र, वनविभागाच्या हद्दीच्या गोंधळामुळे जबाबदारी टाळली जाते. यापूर्वी ताहराबाद वनपरिक्षेत्राचे कर्मचारी मालेगाव तालुक्यातील चटाणेपाडा पर्यंत पंचनामा करण्यासाठी येत होते, पण सध्या काही वनरक्षक ही हद्द मालेगावच्या अखत्यारित असल्याचे सांगून हात वर करतात. बिबट्याचा हल्ला झाला तरी वनविभाग वेळकाढूपणा करतो. असा शेतकऱ्यांचा आरोप आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
