लॉकडाऊनमुळे चित्रच पालटले! जमिनीची कंपने कमी झाल्याने 'त्यांचा' मात्र मुक्तविहार!

dhaman.jpg
dhaman.jpg
Updated on

नाशिक : लॉकडाउनमुळे माणसाचा घराबाहेरील वावर कमी झाल्याने प्राणी, पक्षी मुक्तविहार करू लागल्याचे सकारात्मक चित्र आहे. कधी न पाहिलेले पक्षी, प्राणी नजरेस पडू लागले आहेत. यात सरपटणारे प्राणीही मोठ्या प्रमाणावर बाहेर दिसत आहेत. माणसाचा रस्त्यावरील वावर कमी झाल्याने प्राण्यांना व पक्ष्यांना सुरक्षित वाटू लागल्याने हे चित्र निर्माण झाल्याचे सर्पमित्रांचा दावा आहे. 

सापांना सुरक्षित वाटल्याने त्यांचा वावर वाढला

या काळात सर्रास वावर वाढलेल्या सापांमध्ये धामण (बिनविषारी), नाग (विषारी), तस्कर (बिनविषारी), कुकरी (बिनविषारी), कवड्या (बिनविषारी) यांचा समावेश आहे. कोणत्याही जातीच्या सापास ऐकू येत नाही. मात्र, त्यांना जमिनीच्या कंपनांची तीव्रता त्वरित प्रमाणावर जाणवते. रस्त्यावरील वाहने, माणसांचा गोंगाट नसल्याने जमिनीची कंपने थांबली आहेत. जमिनीवरील कंपणे हाच त्यांचा धोक्‍याचा मुख्य संकेत असतो. सध्या रस्त्यावर, मैदानात वाहने नाहीत व माणसेही नाहीत. त्यामुळे जमिनीवरील कंपनेही नाहीत. याचा परिणाम सापांना सुरक्षित वाटल्याने त्यांचा वावर वाढला असल्याचे सर्पमित्रांचे म्हणणे आहे. मार्च, एप्रिल, मे हा काळ धामण व नाग या सापांचा मिलनाचा, प्रजननाचा कालावधी असतो. त्यामुळेही साप मोठ्या प्रमाणावर दृष्टीस पडतात. दुपारनंतर, रात्री सर्प निघण्याचे प्रमाण वाढले आहे. उन्हामुळे प्रचंड उकाडा जाणवू लागला असून, त्यामुळेही बिळात लपलेले सर्प मोठ्या प्रमाणावर जमिनीवर येत आहेत. 

सध्याच्या लॉकडाउनमुळे माणसे घरात आहेत. सर्प, प्राणी, पक्षी मात्र स्वैर आहेत. हा एक निसर्गाच्या दृष्टीने चांगला परिणाम म्हणावा लागेल. सापसुद्धा माणसाला भितो आणि माणूसही सापाला भितो. आपल्याडे विषारी सापांची संख्या कमी आहे. तरीही भीतीपोटी बिनविषारी सापही मारले जातात. त्यासाठी वन विभागाकडूनही योग्य ती काळजी घेतली जात आहे. - मनीष गोडबोले, सर्पमित्र 

या काळात साप निघाल्याचे कॉल जास्त प्रमाणावर येत आहेत. सर्प, प्राणी सध्या मुक्तपणे संचार करीत आहेत. त्याचाच परिणाम आहे. साप नागरिकांकडून मारण्याआधी त्या ठिकाणावर पोचतो. सापास कसलीही इजा होणार नाही, याची दक्षता घेत शास्त्रशुद्ध पद्धतीने पकडून सुरक्षित स्थळी नेऊन सोडतो. - विशाल बाफना, सर्पमित्र  

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com