"बिबट्याने फोडली डरकाळी..‌ समृद्धीच्या डोक्‍यावर मारला पंजा" ..अन् आजीच्या काळजाचा चुकला ठोका

naat aaji 1.png
naat aaji 1.png

नाशिक / देवळाली कॅम्प : शेवगेदारणा गावाच्या टेंभी मळ्यातील घराबाहेर बुधवारी (ता. 10) रात्री साडेनऊला गजराबाई कासार आपली नात समृद्धीला घेऊन ओट्यावर बसलेल्या होत्या. शेजारच्या उसाच्या शेतातून अचानक बिबट्याने पाच वर्षे वयाच्या समृद्धीवर डरकाळी फोडत डोक्‍यावर पंजा मारला. अन् मग...

आजींच्या डोळ्यात अश्रू

बिबट्याच्या हल्ल्यातून सहीसलामत नातीची सुटका केल्यानंतर आजींच्या धाडसाचे गुरुवारी (ता. 11) सकाळपासून ग्रामस्थ व नातेवाइकांनी घरी जाऊन कौतुक केले. घडलेल्या प्रसंगामुळे आजींच्या डोळ्यात अश्रू तरळत होते. आजीने मला वाचविले, असे सांगताना लहानगी समृद्धी आजीला कवटाळून धरत होती. यामुळे उपस्थितांना गलबलून येत होते. 

असा घडला प्रकार
शेवगेदारणा गावाच्या टेंभी मळ्यातील घराबाहेर बुधवारी (ता. 10) रात्री साडेनऊला गजराबाई कासार आपली नात समृद्धीला घेऊन ओट्यावर बसलेल्या होत्या. शेजारच्या उसाच्या शेतातून अचानक बिबट्याने पाच वर्षे वयाच्या समृद्धीवर डरकाळी फोडत डोक्‍यावर पंजा मारला. गजराबाईंनी मोठ्या धैर्याने बिबट्याच्या तावडीतून समृद्धीची सुटका करून बिबट्याला पळवून लावले. या हल्ल्यात समृद्धीच्या डोक्‍याला किरकोळ दुखापत झाली. तिच्यावर खासगी दवाखान्यात उपचार केल्यानंतर घरी सोडण्यात आले. 
या घटनेची माहिती वाऱ्यासारखी पसरताच गुरुवारी सकाळपासून कासार यांच्या घरी ग्रामस्थ, नातेवाईक व प्रसारमाध्यमांच्या प्रतिनिधींनी भेट देऊन आजीच्या धाडसाचे कौतुक केले. घडलेला प्रसंग सांगताना आजीच्या डोळ्यात अश्रू तरळत होते. लाडक्‍या समृद्धीची बिबट्याच्या तावडीतून सुटका केल्याचे समाधान चेहऱ्यावर झळकत होते. 

वन विभागाकडून सापळा 
या घटनेनंतर वन विभागाचे वनक्षेत्र अधिकारी विवेक भदाणे, वनपरिमंडळ अधिकारी मधुकर गोसावी, वनरक्षक गोविंद पांढरे, पोलिसपाटील उज्ज्वला कासार आदींनी नागरिकांना सूचना केल्या. घराशेजारी असलेल्या उसाच्या शेतात बिबट्याला जेरबंद करण्यासाठी वन विभागाने सापळा रचला आहे. 

नातीच्या सुटकेचा प्रसंग सांगताना आजीच्या डोळ्यात अश्रू 

बिबट्याने डरकाळी फोडली अन्‌ समृद्धीच्या डोक्‍यावर पंजा मारल्यावर ती खाली पडली. मी तिला बिबट्याच्या तावडीतून सोडवून आरडाओरडा केल्याने बिबट्या पळून गेला. - गजराबाई कासार, समृद्धीची आजी 

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com