Bail Pola Festival 2023: मोरकुरे येथील शेतकऱ्याने लाडक्या बैलजोडीचा केक कापून साजरा केला पोळा!

तळवाडे दिगर : ‘बैल घराची श्रीमंती, बैल दाराचे वैभव, बैल शक्ती चा सोहळा, माझ्या भक्ती चा उत्सव’ अशा शब्दात ज्येष्ठ कवी विठ्ठल वाघ यांनी बैलांच्या श्रमाचे, त्यांच्या महत्तेचे वर्णन केले आहे. त्यामुळेच शेतकऱ्यांच्या जीवनात बैलांचे वेगळेच स्थान आहे.

घरातील एका सदस्यांप्रमाणेच शेतकरी आपल्या जनावरांकडे लक्ष्य देतो. त्याच्या आहाराकडे, आरोग्याकडे लक्ष्य देतो. त्यातूनच बैलाबद्दल कृतज्ञता व्यक्तर करण्यासाठी शेतकरी नेहमीच प्रयत्न करीत असतात.

याचाच प्रत्येय बागलाण तालुक्यातील पश्चिम पट्ट्या मोरकुरे या आदिवासी गावातील युवा शेतकरी कृष्णा ढूमसे यांनी आपल्या लाडक्या बैलजोडीचा केक कापून बैल पोळा साजरा केला. (Bail Pola Festival farmer from Morkure celebrated Pola by cutting cake nashik)

हेही वाचा : Credit Card फसवणूक....काय घ्याल काळजी?

शेती कामात शेतकऱ्याला मदत करणारा शेतात राब राबणारा. शेतकऱ्याचा जिवाभावाचा अन मित्र म्हणजे बैल. बैलपोळ्याला बैलांना सजवून पुरणपोळीचा गोड घास बैल मैतराला घातला जातो.

घरोघरी औक्षणही केले जाते. कृतज्ञता व्यक्त केली जाते. मात्र युवा शेतकरी कृष्णा ढूमसे यांनी आपल्या जिवाभावाचा सोबती सर्जा राजा पोळ्याच्या दिवशी केक कापून धुमधडाक्यात वाजत गाजत साजरा केला. याची चर्चा पंचक्रोशीत सुरु आहे.