दारूसाठी पैसे न दिल्याने दाजीकडून मेव्हण्यास मारहाण

जुने नाशिक : दारू (Liquor) पिण्यासाठी पैसे न दिल्याचा राग आल्याने दाजीकडून मेव्हण्यास मारहाण (beating) करत जखमी केले. कृष्णा पवार, असे जखमीचे नाव आहे. (beating for not paying for alcohol nashik crime Latest marathi news)

कृष्णा गंजमाळ पंचशीलनगर येथील मित्राकडे जात होता. संशयित सोनू रशीद शेख (२८,रा. पंचशीलनगर) याने कृष्णाचा रस्ता अडवून दारू पिण्यासाठी पैशाची मागणी केली. पैसे देण्यास नकार दिल्याने संशयिताने त्यास शिवीगाळ केली.

संशयिताने हातातील दारूची बाटली कृष्णाच्या डोक्यावर आणि हातावर फोडून त्यास जखमी केले. त्याच्या मित्राने त्याला उपचारार्थ जिल्हा रुग्णालयात दाखल केले. भद्रकाली पोलिस ठाण्यात याबाबत संशयिताविरुद्ध गुन्हा दाखल करण्यात आला.