चांदोरी- जिल्हा परिषद प्राथमिक शाळेच्या अगदी जवळ कुक्कुटपालनाच्या व्यवसायासाठी ग्रामस्थांचा विरोध झुगारून भेंडाळी ग्रामपंचायतीने परवानगी दिल्याने संतप्त ग्रामस्थांनी ग्रामपंचायत कार्यालयाला टाळे ठोकले आणि परवानगी तत्काळ रद्द करावी, अशी मागणी केली. .भेंडाळी ग्रामपंचायत हद्दीतील जिल्हा परिषद प्राथमिक शाळा, हाळोटी माथा या शाळेजवळ जमील शेख यांनी पोल्ट्री व्यवसायासाठी परवानगी मिळण्याबाबत ग्रामपंचायत कार्यालयाकडे दोन वर्षांपूर्वी अर्ज केला होता; परंतु या ठिकाणी शाळा असून, आजूबाजूला शेतकरी राहत असल्याने पोल्ट्री व्यवसायाला परवानगी देऊ नये, असा लेखी अर्ज दिला होता. पोल्ट्री व्यवसायाला परवानगी देऊ नये, असा ग्रामसभेत ठराव करण्यात आला होता..कोणत्याही प्रकारची परवानगी देण्यात येणार नाही, असे आश्वासन ग्रामसेवक युसूफ शेख आणि सरपंच भारती खालकर, उपसरपंच किसन खालकर तसेच ग्रामपंचायत सदस्यांनी ग्रामस्थांना दिले होते. सरपंच खालकर यांनी मात्र या परवानगीच्या कागदांवर स्वाक्षरी माझी नसून ग्रामसेवकांनी परस्पर केल्याचा दावा केला आहे, तर उपसरपंच किसन खालकर यांनी मात्र हे प्रकरण आपल्याला माहीत नसून ग्रामसेवकांनी परस्पर परवानगी दिल्याचा दावा केला आहे..ग्रामसेवकाने हा दावा फेटाळला आहे. या प्रकरणात आर्थिक देवाण-घेवाण झाल्याने सर्वांच्या संगमताने परवानगी दिली असल्याचा आरोप ग्रामपंचायत सदस्य करत आहेत. ग्रामसेवक सरपंच आणि उपसरपंच यांना कोणत्याही प्रकारची माहिती न देता परस्पर अशा प्रकारच्या परवानगी देत असतील तर ग्रामसेवकावरोधात तत्काळ कारवाई करावी, अशी मागणी केली आहे..ग्रामसेवक, सरपंच यांचे समाधानकारक उत्तर न आल्याने ग्रामस्थांच संताप अनावर झाला आणि ग्रामपंचायत सदस्य गणेश मोगल, शांताराम शिंदे, सागर खालकर, मधुकर आढाव, संदीप सातपुते, रामदास शिंदे, दीपक शिंदे, माधव शिंदे, बबन आढाव, दिलीप आढाव, श्याम आढाव यांनी परिसरातील नागरिकांच्या उपस्थितीत ग्रामपंचायतीवर मोर्चा नेत ग्रामपंचायतीचा कार्यालयाला टाळे ठोकले..पोल्ट्री व्यवसायाच्या परवानगीसंदर्भात ग्रामस्थांनी वारंवार ग्रामसभेत चर्चा केली आणि त्यास ग्रामसभेत विरोध करण्यात आला. या संदर्भात ग्रामसभेत ठरावही करण्यात आला; परंतु या ठरावाला केराची टोपली दाखवत ग्रामसेवक, सरपंचांनी परस्पर परवानगी दिली. पोल्ट्री व्यवसाय सुरू करायचा असेल तर परिसरातील शाळेतील मुलांनी शिक्षण कुठे घ्यायचे आणि त्यांच्या आरोग्याचा प्रश्न निर्माण झाल्यास त्यास जबाबदार कोण?-सागर खालकर, ग्रामपंचायत सदस्य .ग्रामसभेत पोल्ट्री व्यवसायला परवानगी देण्यासंदर्भात चर्चा झाली होती, तेव्हा परवानगी देऊ नये, असा ठराव करण्यात आला; परंतु ग्रामसेवक युसूफ शेख यांनी परस्पर माझी बनावट स्वाक्षरी करून परवानगी दिली आहे. या संदर्भात गटविकास अधिकाऱ्यांनी तत्काळ दखल घेऊन ग्रामसेवकावर कारवाई करावी आणि सखोल चौकशी करावी.-भारती खालकर, सरपंच, भेंडाळी.पोल्ट्री व्यवसायाच्या परवानगीसंदर्भात ग्रामस्थांनी वारंवार ग्रामसभेत चर्चा केली आणि त्यास ग्रामसभेत विरोध करण्यात आला. या संदर्भात ग्रामसभेत ठरावही करण्यात आला; परंतु या ठरावाला केराची टोपली दाखवत ग्रामसेवक, सरपंचांनी परस्पर परवानगी दिली. पोल्ट्री व्यवसाय सुरू करायचा असेल तर परिसरातील शाळेतील मुलांनी शिक्षण कुठे घ्यायचे आणि त्यांच्या आरोग्याचा प्रश्न निर्माण झाल्यास त्यास जबाबदार कोण?-सागर खालकर, ग्रामपंचायत सदस्य .Sangli: नेर्लेत ४ किलो गांजा जप्त; विक्री करणाऱ्या दोघांना एलसीबीच्या पथकाने पकडले, कासेगाव पोलिस ठाण्यात नोंद. जिल्हा परिषदेच्या शाळेजवळ पोल्ट्री व्यवसायाला परवानगी देणे म्हणजे आमच्या मुलांच्या आरोग्याशी खेळण्यासारखे आहे. आम्ही आमच्या मुलांना शाळेत कुठे पाठवावे, त्यांच्या आरोग्याचा प्रश्न निर्माण झाल्यास ग्रामपंचायत जबाबदारी घेईल काय?-माधव शिंदे, पालक.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
