Nashik Crime News : 1 मिनिटांचा ब्रेक पडला महागात; मोबाईलसह दुचाकी पळविली
नाशिक : लघुशंका करण्यासाठी रस्त्यालगत थांबले असता, पार्क केलेली मोबाईलसह दुचाकीच चोरट्याने पळवून नेली. याप्रकरणी मुंबई नाका पोलिसात अज्ञात चोरट्याविरोधात गुन्हा दाखल करण्यात आला आहे. (bike stolen with mobile phone Nashik Crime News)
हेही वाचा : अंतरंगातून परमेश्वरापर्यंत भक्तिभाव थेट पोहोचवणारा वेदान्त आश्रम
कपिल प्रदीप सुर्वे (रा. शिवशक्ती नगर, सिडको) यांच्या फिर्यादीनुसार, ते गडकरी चौकाकडून चांडक मार्गे दुचाकीवरून जात होते. त्यांना लघुशंका लागल्याने ते या रोडवरील एलआयसी ऑफिससमोर असलेल्या महाराष्ट्र वखार महामंडळ येथे थांबले आणि रस्त्यालगत लघुशंकेला गेले.
त्यावेळी त्यांनी रस्त्यालगत पार्क केलेली २५ हजार रुपयांची पॅशन प्रो दुचाकी (एमएच १४ सीआर ५८४३) आणि विवो कंपनीचा ११ हजार रुपयांचा मोबाईल अज्ञात चोरट्याने चोरून नेला. लघुशंका करून परत आलेल्या सुर्वे यांना त्याची दुचाकी मिळून आली नाही.
याप्रकरणी मुंबई नाका पोलिसात अज्ञात चोरट्याविरोधात चोरीचा गुन्हा दाखल करण्यात आला असून, सहायक उपनिरीक्षक आडके हे पुढील तपास करीत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.