नाशिक: शहरातून सातत्याने दुचाकी चोरीचे सत्र सुरू असताना शहर गुन्हे शाखेच्या युनिट दोनच्या पथकाने परजिल्ह्यातून चोरीच्या दुचाक्या खरेदी करणाऱ्या तिघांच्या मुसक्या आवळल्या आहेत. संशयितांकडून चोरीच्या पावणेपाच लाखाच्या सात दुचाकी हस्तगत केल्या आहेत. .अरविंद महादेव सोनवणे (२४, रा. कालिकानगर, शिर्डी, जि. अहिल्यानगर), जुबेर मुक्तार अख्तर (२०, रा. मालेगाव, जि. नाशिक), वैभव बंडू काळे (२८, रा. ममदापूर, ता. राहाता, जि. अहिल्यानगर) अशी संशयितांची नावे आहेत. शहरातील दुचाकी वाहन चोरीच्या गुन्ह्याचा समांतर तपास शहर गुन्हे शाखेच्या युनिट दोनचे पथक करीत होते. पथकाकडून गुन्ह्याच्या घटनास्थळावरून सीसीटीव्ही फुटेज तपास असताना संशयित राजन या सराईत दुचाकी चोरट्याने चोरलेल्याचे समोर आले. तपास करीत असताना त्याने चोरीच्या दुचाक्या परजिल्ह्यात विकल्याचे निष्पन्न झाले..गुन्हे शाखा युनिट दोनचे प्रभारी सहायक निरीक्षक हेमंत तोडकर यांच्या मार्गदर्शनाखाली उपनिरीक्षक मुक्तारखान पठाण, सहायक उपनिरीक्षक गुलाब सोनार, हवालदार अतुल पाटील, परमेश्वर दराडे, वाल्मीक चव्हाण, मनोज परदेशी यांच्या पथकाने तांत्रिक तपास करीत गेल्या १५ दिवस मालेगावसह अहिल्यानगर जिल्ह्यातील श्रीरामपूर, शिर्डी या परिसरातून चोरीच्या दुचाक्या खरेदी करणाऱ्या तिघांच्या मुसक्या आवळल्या. पोलिसी खाक्या दाखविल्यानंतर त्यांनी विकलेल्या चोरीच्या दुचाक्या हस्तगत करण्यात आल्या. पोलिसांनी त्यांच्याकडून दोन पल्सर व पाच मोपेड अशा ४ लाख ७० हजारांच्या सात दुचाक्या हस्तगत केल्या. या दुचाक्या पंचवटी, आडगाव, म्हसरुळ, इंदिरानगर, उपनगर आणि ठाणे पोलिस आयुक्तालयाच्या हद्दीतून चोरल्याचे समोर आले आहे..Sahyadri Tiger Reserve: 'सह्याद्री व्याघ्र प्रकल्पात आता बेल्जी शेफर्ड श्वानपथक'; कऱ्हाडच्या सारिका जाधव डॉग हॅण्डलर, शिकारीवर नियंत्रण .पोलिस आयुक्त संदीप कर्णिक, गुन्हे शाखेचे उपायुक्त किरणकुमार चव्हाण, सहायक आयुक्त संदीप मिटके यांच्या मार्गदर्शनाखाली युनिट दोनचे सहायक निरीक्षक हेमंत तोडकर, डॉ. समाधान हिरे, मुक्तारखान पठाण, गुलाब सोनार, अतुल पाटील, परमेश्वर दराडे, वाल्मीक चव्हाण, मनोज परदेशी, प्रकाश महाजन, चंद्रकांत गवळी यांच्या पथकाने बजावली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
