Municipal Corporation
sakal
नाशिक: महापौर, उपमहापौर निवडणूक प्रक्रिया पार पडल्यानंतर आता सर्वात महत्त्वाच्या अशा सभागृहनेते पदासाठी भाजपमध्ये चुरस निर्माण झाली आहे. माजी उपमहापौर गुरमित बग्गा, माजी सभागृहनेते सुधाकर बडगुजर, दिनकर पाटील व स्थायी समितीचे माजी सभापती शाहु खैरे यांच्या नावाची चर्चा आहे. परंतु, स्पर्धेतील चारही नगरसेवकांनी नुकताच भाजपमध्ये प्रवेश केला असल्याने त्यातून निष्ठावंतांमध्ये नाराजी नाट्याचा स्फोट होण्याचीदेखील भीती असल्याने या पदासाठी नावे जाहीर करताना ताकही फुंकून पिण्याची वेळ वरिष्ठांवर आली आहे.