नाशिक- राज्यात महायुती म्हणून स्थानिक स्वराज्य संस्थांच्या निवडणुका लढविण्याची घोषणा असली, तरी नाशिक महापालिकेसाठी मात्र भाजपने स्वतंत्र रणनीती आखली आहे. ‘शंभर प्लस’चा निर्धार करीत भाजपने शिवसेना व शिवसेना (उद्धव बाळासाहेब ठाकरे) पक्षातील प्रभावी माजी नगरसेवकांना पक्षात सामावून घेण्याचे प्रयत्न सुरू केले आहेत. यामुळे शिवसेनेत नाराजीचे वातावरण असून, अंतर्गत खिंडाराची चिन्हे दिसू लागली आहेत.