Nashik Crime News : Blackmailing करणाऱ्या संशयितांना अटक

जुने नाशिक : अश्लील फोटो आणि चित्रफीत काढून गुन्हा दाखल करण्याची धमकी देत पैसे उकळणाऱ्या प्रकार घडला होता. यातील संशयीतांना मध्यवर्ती गुन्हे शाखेकडून अटक करण्यात आली. (Blackmailing suspects arrested Nashik Latest Crime News)

सोनू ऊर्फ बालेश नरहरी देशमुख (३५, रा. नैताळे, ता. निफाड, हल्ली पांडवनगरी), अविनाश विजेंद्र परदेशी (रा. द्वारका) असे संशयितांचे नाव आहे. मध्यवर्ती गुन्हे शाखेचे हवालदार शेरखान पठाण आणि संदीप पवार यांना यातील काही संशयितांची गुप्त माहिती मिळाली. त्यांनी माहितीची खातरजमा केली.

सोनू ऊर्फ बालेश नरहरी देशमुख, अविनाश विजेंद्र परदेशी यांचा सहभाग असल्याचे निष्पन्न झाले. शाखेचे वरिष्ठ निरीक्षक आँचल मुदगल यांच्या मार्गदर्शनाखाली पथकातील कर्मचारी शेरखान पठाण, श्रीराम सपकाळ, संजय गामने, बाळू बागूल, संदीप पवार, गणेश वाघ यांनी कारवाई करत दोघांना ताब्यात घेतले. मुख्य संशयित इम्रान इनामदार याच्यासह महिला संशयित फरार असून, पोलिस त्यांचा शोध घेत आहे.