Nashik : निवडणूक कामासाठी कर्मचाऱ्यांच्या सुट्या रद्द | Sakal
sakal

बोलून बातमी शोधा

NMC

Nashik : निवडणूक कामासाठी कर्मचाऱ्यांच्या सुट्या रद्द

नाशिक : महापालिका सार्वत्रिक निवडणूकीसाठी (NMC Election) प्रारूप मतदार यादीवर हरकती नोंदल्या जात आहे. त्यामुळे महापालिकेने निवडणूक कामाशी संबंधित कर्मचाऱ्यांच्या येत्या शनिवार व रविवार अशा दोन दिवसांच्या सुट्ट्या (leave) रद्द केल्या आहेत. त्यामुळे साप्ताहिक सुट्यांच्या दोन दिवस महापालिका सुरूच राहणार आहे. (Cancellation of NMC staff leave for election work Nashik News)

नाशिक महापालिकेच्या पंचवार्षिक सार्वत्रिक निवडणूका होणार असून, त्यासाठी प्रारूप मतदार याद्यावर हरकती नोंदविण्यासाठी दोन दिवसांची मुदत वाढ देण्यात आली आहे. त्यामुळे ३ जुलैपर्यत हरकती नोंदवून घेण्याचे कामकाज चालणार आहे. त्यामुळे शनिवार आणि रविवार अशा दोन्ही सुट्यांच्या दिवशी हे कामकाज चालणार आहे. राज्य निवडणूक आयोगाच्या आदेशानुसार हे कामकाज सुरू ठेवण्यासाठी अधिकारी, कर्मचाऱ्यांच्या सुट्या रद्द करण्यात आल्या आहेत. तसेच, या दोन दिवसांच्या सुट्यांच्या काळात रजाही रद्द करण्यात आल्या आहे. त्यामुळे निवडणुकीच्या कामासाठी अधिकारी कर्मचाऱ्यांना सुट्यांच्या दिवशीही दुपारी तीनपर्यंत कामाचा निपटारा करण्यासाठी महापालिकेत कामासाठी उपस्थित राहावे लागणार आहे.

हेही वाचा: सिंहस्थ मार्गाच्या भूसंपादनासाठी 9 कोटींची मागणी

महापालिका आयुक्त रमेश पवार यांनी यासंदर्भात आदेश काढून या काळातील अधिकारी कर्मचाऱ्यांच्या रजा मंजूर करू नयेत. या सुट्यांच्या दिवशी कार्यालयात उपस्थित राहून अधिकारी कर्मचाऱ्यांनी कामाचा निपटारा करण्याचे आदेश काढले आहेत.

हेही वाचा: Nashik : विमानसेवेसाठी राजकीय पाठबळाची कमतरता

Web Title: Cancellation Of Nmc Staff Leave For Election Work Nashik News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..