इगतपुरी शहर : केंद्रीय गुप्तचर विभागाच्या पथकाकडून इगतपुरीत माेठी कारवाई करण्यात आली आहे. ऑनलाइन फसवणुकीच्या संशयावरून एका पंचतारांकित हॉटेलमध्ये भाड्याने घेतलेल्या जागेत काही व्यक्तींकडून चालवल्या जाणाऱ्या बेकायदेशीर खासगी कॉल सेंटरचा शुक्रवारी (ता. ८) पर्दाफाश केला. बोगस कॉल सेंटरमधून एक कोटीहून अधिकची रोकड, सोने जप्त केले असून, याप्रकरणी सहा जणांना अटक करण्यात आली आहे.