अवैध धंद्यांबाबत शासनाची भूमिका स्पष्ट करा; आमदार फरांदे यांचे गृहमंत्र्यांना निवेदन

नाशिक : जुगार, रोलेंट (ऑनलाइन जुगार बिंगो ) अवैद्य दारूविक्री, बेकायदेशीर गुटखा विक्री, बेकायदेशीर हुक्का पार्लर, यांच्यावर कारवाई करण्यासंदर्भात शासनाची भूमिका स्पष्ट करण्याची मागणी आमदार देवयानी फरांदे यांनी गृहमंत्री अनिल देशमुख व गृह विभागाचे अतिरिक्त मुख्य सचिव सीताराम कुंटे यांच्याकडे केली आहे. 

काम एकट्या पोलिस विभागाचे नाही

वर्षानुवर्षे पोलीस विभागाकडून जुगार, रोलेंट ( ऑनलाइन जुगार), अवैद्य दारूविक्री, बेकायदेशीर गुटखा विक्री, बेकायदेशीर हुक्का पार्लर, यावर कारवाई केली जात असतांना, नाशिकला पोलीस आयुक्त दीपक पांडे यांनी ‘जुगार, रोलेंट (ऑनलाइन जुगार बिंगो), अवैद्य दारूविक्री, बेकायदेशीर गुटखा विक्री, बेकायदेशीर हुक्का पार्लर, यावर कारवाई करण्याचे काम एकट्या पोलीस विभागाचे नसल्याने त्याविषयी जिल्हाधिकारी, राज्य उत्पादन शुल्क विभागाचे अधीक्षकांशी पत्रव्यवहार कारवाई करण्याची विनंती केली. पोलिस आयुक्तांच्या भूमिकेमुळे अवैद्य धंद्यांचे प्रमाण मोठ्या प्रमाणावर वाढले असून खुलेआम जुगार, रोलेंट ( ऑनलाइन जुगार बिंगो), अवैद्य दारूविक्री, बेकायदेशीर गुटखा विक्री, बेकायदेशीर हुक्का पार्लर, सुरू असल्याची 
तक्रार आमदार फरांदे यांनी गृहमंत्र्यांकडे केली. 

हेही वाचा - जेव्हा पोटच्या गोळ्यांसह मातेचे मृतदेह दिसले पाण्यावर तरंगताना; शेतकऱ्यांना भरला थरकाप