नाशिक बाजार समितीविरुद्ध ‘ईडी’कडे तक्रार | Sakal
sakal

बोलून बातमी शोधा

Nashik Bazar Samiti
नाशिक बाजार समितीविरुद्ध ‘ईडी’कडे तक्रार

नाशिक बाजार समितीविरुद्ध ‘ईडी’कडे तक्रार

नाशिक : नाशिक बाजार समितीमध्ये (Nashik Bazar Samiti) करोडो रुपयांचा भ्रष्टाचार (Corruption)व गैरव्यवहार झाल्याचा आरोप करीत यासंदर्भात नगरसेवक दिनकर पाटील आणि भाजपचे शहर सरचिटणीस सुनील केदार यांनी थेट ‘ईडी’ (ED)कार्यालयास तक्रार अर्ज दाखल केला आहे. या तक्रार अर्जात म्हटले आहे की, नाशिक कृषी उत्पन्न बाजार समितीत मागील २० वर्षांपासून करोडो रुपयांचा भ्रष्टाचार व गैरव्यवहार झाला आहे.

हेही वाचा: भारत-पाकिस्तान फाळणीत झाली ताटातूट, तब्बल 74 वर्षांनंतर भेट!

एका वर्षाच्या सरकारी लेखा परिक्षण अहवालात ५०० कोटी रुपयांचा भ्रष्टाचार, अफरातफरी, घोटाळा झाला असून, जर एका वर्षात ५०० कोटी रुपयांचा भ्रष्टाचार तर २० वर्षांत हा आकडा निश्चितच हजारो कोटींच्या घरात जाईल, असे गंभीर आरोप करण्यात आले आहेत. ही बाब गंभीरपणे घेऊन जे दोषी असतील त्यांच्यावर कारवाई करावी व ज्यांच्यामुळे शासनाचे, शेतकऱ्यांचे नुकसान झाले आहे त्यांच्यावर कारवाई करावी, अशी मागणी करण्यात आली आहे. या पत्रासोबत महाराष्ट्र शासनाचा सरकारी लेखा परिक्षण अहवालही जोडण्यात आल्याचे म्हटले आहे. अर्जावर दिनकर पाटील आणि सुनील केदार यांच्या स्वाक्षऱ्या आहेत.

हेही वाचा: मकर संक्रांत स्पेशल: आता हवेतही राजकीय नेतेच दिसणार; पाहा व्हिडिओ

नुकत्याच पार पडलेल्या सेंट्रल गोदावरी कृषक सेवा सहकारी संस्था निवडणुकीत दिनकर पाटील यांच्या पॅनलचा दारुण पराभव झाला. हा पराभव त्यांना पचत असल्याने ते सैरभैर झाल्याचे दिसून येते. तसेच दोनच दिवसांपूर्वी तज्ज्ञ संचालकपदाचीही निवड करण्यात आली. त्या वेळी दिनकर पाटील यांनी माझ्यासह सभापती व अन्य संचालकांना शिवीगाळ केली. याप्रकरणी गंगापूर पोलिस ठाण्यात तक्रारही देण्यात आली होती. तसेच संचालक मंडळाने शिस्तभंगाची कारवाई करीत त्यांचे संचालकपद देखील रद्दबाबत ठराव केला आहे. त्यामुळेच ते बिनबुडाचे आरोप करीत आहेत. प्रत्येक ठिकाणी दादागिरी चालत नाही, हेही त्यांनी समजून घेणे गरजेचे आहे.

- देवीदास पिंगळे, सभापती, नाशिक कृषी उत्पन्न बाजार समिती

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top