नाशिक : कोरोनामुळे चित्रीकरणावर परिणाम | Sakal
sakal

बोलून बातमी शोधा

shooting of the serials
नाशिक : कोरोनामुळे चित्रीकरणावर परिणाम

नाशिक : कोरोनामुळे चित्रीकरणावर परिणाम

नाशिक : कोरोना संसर्ग(corona) वाढत असल्याने कडक निर्बंध लावण्यात आले असून या निर्बंधाचा चित्रीकरणावरही(shooting) परिणाम झाला असल्याचे दिसत आहे. नऊ ते सहा या वेळेत निर्बंध लागू असल्याने रात्रीच्या चित्रीकरणाचे चित्रण रद्द करण्यात आले असून, कोरोना वाढती रूग्णसंख्या पाहता सेटवरचे मनुष्यबळही(manpower) कमी करण्यात आली आहे.

हेही वाचा: म्हसरूळची रुही देशमुख अमेरिकेत बनली संशोधक

कोरोना दुसऱ्या लाटेनंतर सरकारने चित्रीकरणास परवानगी दिली होती. नाशिकमध्ये, वेबसिरीज, मालिका, चित्रपटांचे चित्रीकरण होत असते. सध्या दोन मालिकांचे चित्रीकरण शहराच्या जवळील परिसरात होत आहे. कोरोना निर्बंध लागू झाल्यानंतर चित्रीकरणाला पुन्हा एकदा फटका बसत असल्याचे चित्र आहे. निर्मात्यांना कोरोनाचे नियम पाळत चित्रीकरण करावे लागत असून, तांत्रिक बाबी, कॅमेरा ऑपरेशन, मेकअपमॅन, एडिटिंग, सेट उभारणे आदींचे मनुष्यबळ कमी करण्यात आले आहे.

गेल्या आठ दिवसापासून कोरोना रुग्णांची संख्या वाढत आहे. त्यामुळे आणखी निर्बंध कडक होण्याची शक्यता आहे. यात चित्रीकरणावर निर्बंध लागल्यास मालिका, निर्मात्यांचे आर्थिक गणित पुन्हा बिघडणार आहे. कोरोना पहिल्या दोन लाटांमध्ये निर्मात्यांची मोठी अडचण निर्माण झाली होती. निर्बंध लागल्यास पुन्हा शिथिल होण्यास मोठा विलंब होत असल्याची भीतीदेखील व्यक्त होत आहे.त्यामुळे निर्बंध लावताना चित्रीकरणातील सर्वच घटकांचा विचार व्हावा अशी आशा व्यक्त करण्यात येत आहे.

हेही वाचा: Success Story: गोरखपूरच्या सामियाने अमेरिकेत फडकवला भारताचा झेंडा; बनली शिकागोची न्यायाधीश

कोरोना निर्बंध लागू झाल्यानंतर ‘तुझ्या माझ्या संसाराला आणि काय हवं’ या मालिकेच्या सेटवरचे मनुष्यबळ कमी करण्यात आले आहे. तसेच कोरोनाचे सर्व नियम पाळून मालिकेचे चित्रीकरण सुरू आहे.

- संजय झनकर, निर्माता

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top