Corona Update | नाशिक शहरात पुन्हा कोरोनाचा प्रादूर्भाव | Sakal
sakal

बोलून बातमी शोधा

corona

नाशिक शहरात पुन्हा कोरोनाचा प्रादूर्भाव


नाशिक :
जिल्‍ह्यात कोरोनाचा प्रादूर्भाव घटत चालला आहे. बुधवारी (ता. १०) जिल्‍ह्यात ४१ रुग्‍णांचे कोरोनाचे अहवाल पॉझिटिव्‍ह आले. ४६ रुग्‍णांनी कोरोनावर यशस्‍वी मात केली. एका बाधिताचा उपचारादरम्‍यान मृत्‍यू झाला. सद्यःस्‍थितीत जिल्‍ह्यात ५३१ बाधितांवर उपचार सुरू आहेत. दरम्‍यान, काही दिवसांपूर्वी ग्रामीण भागातील बाधितांची संख्या अधिक राहत होती. आता पुन्‍हा नाशिक शहरातील बाधितांची संख्या अधिक राहत आहे.

बुधवारी नाशिक महापालिका क्षेत्रातील २४, नाशिक ग्रामीणमधील १६ रुग्‍णांचे अहवाल पॉझिटिव्‍ह आले आहेत. जिल्‍हाबाहेरील एका बाधिताला कोरोनाची लागण झाली आहे. एका बाधिताचा उपचारादरम्‍यान मृत्‍यू झाला असून, मृत व्‍यक्‍ती नाशिक महापालिका क्षेत्रातील आहे. गेल्‍या काही दिवसांपर्यंत नाशिक ग्रामीणमध्ये नव्‍याने आढळणाऱ्या बाधितांची संख्या अधिक राहत होती. मात्र, गेल्‍या दोन-तीन दिवसांत समीकरण पुन्‍हा बदलले असून, कोरोना फैलावात नाशिक शहर पुन्‍हा केंद्रस्‍थानी ठरत आहे.

हेही वाचा: नाशिक : बस कर्मचाऱ्यांच्या संपामुळे खासगी प्रवासी भाड्यात वाढ

दरम्‍यान, सायंकाळी उशीरापर्यंत ७१० रुग्‍णांचे अहवाल प्रलंबित होते. यापैकी नाशिक ग्रामीणमधील ५३२, नाशिक शहरातील ९१, मालेगावच्‍या ८७ रुग्‍णांना अहवालाची प्रतीक्षा होती. जिल्‍हाभरातील रुग्‍णालये व गृहविलगीकरणात २९६ रुग्‍ण दाखल झाले. यापैकी २९१ रुग्‍ण नाशिक शहरातील होते. जिल्‍हा रुग्‍णालय व डॉ. वसंत पवार वैद्यकीय महाविद्यालयात प्रत्‍येकी एक रुग्‍ण दाखल झाला. नाशिक ग्रामीणमधील तीन रुग्‍णांचा यात समावेश होता.

हेही वाचा: नाशिक : बांधकाम मजुरांच्या दरात वाढ

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Nashik
loading image
go to top