नगरसेवक घरात बसल्याने कोरोना परिस्थिती आटोक्याबाहेर; माजी उपमहापौरांचा आरोप

नाशिक : (जुने नाशिक) शहरात कोरोनाचा प्रादुर्भाव झपाट्याने वाढत आहे. यास पूर्णपणे महापालिका जबाबदार आहे. खासगी रुग्णालयांकडून नागरिकांची आर्थिक लूट करत सुरू असून महापालिका त्याकडे दुर्लक्ष करीत आहे. दुसरीकडे नगरसेवक त्यांची जबाबदारी झटकून घरात बसून असल्याने परिस्थिती आटोक्याबाहेर जात असल्याचा आरोप माजी उपमहापौर गुलाम शेख यांनी केला. 

खासगी रुग्णालये पोसण्याचे काम महापालिका करतेय

महापालिका, शासकीय रुग्णालयात जागा नसल्याने रुग्णांना दोन दिवसातच घरी सोडले जाते. कॉन्टॅक्ट ट्रेसिंग होत नसल्याने रुग्णसंख्या वाढत आहे. शासनाच्या सूचना असूनही खासगी रुग्णालये ताब्यात घेतली जात नाही. नाशिकबाहेरील नागरिकांना तत्काळ उपचारासाठी दाखल करून घेतले जाते. त्यामुळे शहरातील गरजूंना खाटा उपलब्ध होत नाहीत. परिणामी मृत्यूचा दर वाढत आहे. खासगी रुग्णालये पोसण्याचे काम महापालिका करत आहे. लाखोंचे बिल वसूल करूनही महापालिका रुग्णालयांना पाठीशी घालत आहे, असा आरोप शेख यांनी केला. मालेगावच्या डॉक्टरांना मज्जाव नागरिकांना उपचार मिळावे म्हणून मालेगावच्या डॉक्टरांचे पथक शहरात दाखल झाले आहे. 

हेही वाचा > थरारक! बायकोच्या चारित्र्यावर होता नवऱ्याला संशय...मध्यरात्रीच केला 'असा' अंगावर काटा आणणारा प्रकार

साटेलोटे असल्याचा आरोप

सामाजिक संस्थाच्या मदतीने आरोग्य शिबिरे घेतली जात आहेत. केवळ २० ते ५० रुपयांत त्यांची तपासणी होत असल्याने मालेगावच्या डॉक्टरांची महापालिकेला अडचण झाली असून त्यांना उपचार करण्यास मज्जाव केला जात आहे. मालेगावच्या डॉक्टरांमुळे हॉटस्पॉट असलेले जुने नाशिक, वडाळागाव गावात कोरोनाचा प्रादुर्भाव झपाट्याने कमी झाला आहे. त्या डॉक्टरांकडे उपचाराची परवानगीही असल्याने त्यांना उपचार करण्यास बंदी घालण्यामागे खासगी रुग्णालयांशी साटेलोटे असल्याचा आरोप श्री. शेख यांनी केला. मालेगावच्या डॉक्टरांनी उपचार केलेल्या रुग्णांची यादी मागण्यासाठी दबाव आणला जात असल्याचाही आरोप त्यांनी केला. 

हेही वाचा > दुर्देवी! धरणात पोहण्यासाठी गेलेल्या पोलीसासह दोन मित्रांचा बुडून मृत्यू...परिसरात खळबळ