नाशिक : सावित्रीबाई फुले पुणे विद्यापीठाच्‍या नाशिक उपकेंद्रामार्फत एमबीए एक्झिक्युटिव्ह अभ्यासक्रम उपलब्ध केला आहे. या अभ्यासक्रमाच्या रिक्‍त जागांवर प्रवेशाची संधी उपलब्ध करून दिली जाणार आहे. इच्‍छुक व पात्र विद्यार्थ्यांना ३१ ऑक्‍टोबरपर्यंत प्रवेशासाठी अर्ज करता येईल. (Deadline for MBA Executive admission application till 31st Nashik Latest Marathi News)
पुणे विद्यापीठाच्‍या नाशिक उपकेंद्रामार्फत विविध अभ्यासक्रम उपलब्ध केले आहे. शैक्षणिक वर्ष २०२०-२१ पासून एमबीए एक्झिक्युटिव्ह या अभ्यासक्रमाला सुरवात करण्यात आलेली होती. या अभ्यासक्रमाची रचना वेगळ्या स्वरूपाची असून, दोन वर्षांचा पूर्णवेळ अभ्यासक्रम आहे. कार्यकारी अधिकारी, उद्योजक यांच्‍यासाठी विकसित केलेल्‍या या अभ्यासक्रमात व्यावसायिक, नोकरदारांना प्रवेशाची संधी उपलब्ध आहे.
अभ्यासवर्ग सायंकाळी साडेसहा ते रात्री साडेनऊ या वेळेत व्यवस्थापनशास्त्र अभ्यासक्रमाच्या परिसरात घेतले जातात. या अभ्यासक्रमास विद्यार्थी विपणन, वित्तप्रणाली किंवा मानव संसाधन व्यवस्थापन यांसारख्या स्पेशलायझेशनची निवड करू शकणार आहेत. पात्रतेच्या निकषांचा सविस्‍तर तपशील आणि एमबीए (एक्झिक्युटिव्ह) प्रवेशाविषयीची माहिती संकेतस्‍थळावर उपलब्ध करून दिलेला आहे.
इच्‍छुक विद्यार्थ्यांना ३१ ऑक्‍टोबरपर्यंत प्रवेश अर्ज सादर करता येतील. अधिक माहितीसाठी व्यवस्थापनशास्त्र अभ्यासक्रम, सावित्रीबाई फुले पुणे विद्यापीठ, उपकेंद्र नाशिक, अचानक चौक, पडसाद कर्णबधिर विद्यालयाजवळ, लेखानगर, सिडको येथे संपर्क साधण्याचे आवाहन केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
