Nashik News : जिल्ह्यातील 12 लाख बालकांना आज जंतूनाशक गोळ्यांचे वाटप

Nashik News : राष्ट्रीय जंतूनाशक दिनानिमित्त १ ते १९ या वयोगटातील बालक व किशोरवयीन मुला मुलींना मंगळवारी (ता.१३) अंगणवाडी व शाळास्तरावर जंतूनाशक गोळी देण्यात येणार आहे.

जिल्ह्यातील १५ तालुक्यामधील अंगणवाड्या व शाळांमध्ये नोंद असलेले तसेच शाळाबाहय बालकांचे एकूण १२ लाख ३६ हजार ३४९ बालकांना जंतूनाशक गोळी देण्याचे उद्दिष्ट निश्चित केले आहे. (Distribution of disinfectant tablets to 12 lakh children in district today nashik news)

सर्व सरकारी व खासगी शाळा शिक्षक अंगणवाडी केंद्रात अंगणवाडी सेविकांमार्फत तसेच आरोग्य आशा स्वयंसेविकामार्फत बालकांना जंतूनाशक गोळी प्रत्यक्ष खाऊ घातली जाणार आहे अशी माहिती जिल्हा आरोग्य अधिकारी डॉ सुधाकर मोरे यांनी दिली.

जिल्ह्यातील १५ तालुक्यांमध्ये ५ हजार २३२ अंगणवाड्या तसेच ५ हजार ३२ सरकारी व खासगी शाळा यातील १२ लाख ३६ हजार ३४९ बालकांना जंतूनाशक गोळी देण्याचे नियोजन करण्यात आले आहे.

गोळी दिलेल्या प्रत्येक बालक लाभार्थ्यांची नोंद ठेवली जाणार आहे. ज्या मुला मुलींना १३ फेब्रुवारी रोजी जंतूनाशक गोळी खाल्ली नसेल त्यांना २० फेब्रुवारी रोजी माप ऑफ दिवशी गोळी देण्यात येईल, असेही डॉ. मोरे यांनी सांगितले.