Ayush Prasad
sakal
नाशिक: जिल्हाधिकारी कार्यालयात मंगळवारी (ता. ९) महसूल विभागाची आढावा बैठक झाली. बैठकीत जिल्हाधिकारी आयुष प्रसाद यांनी महसूलशी संबंधित २० महत्त्वपूर्ण विषयांवर प्रश्न तयार करून उपस्थित प्रांताधिकारी व तहसीलदारांना ते सोडविण्यास सांगितले. त्यात संबंधित मुद्द्यांची सद्यःस्थिती, प्रलंबितता व ते मार्गी लावण्यासाठी करायच्या उपाययोजनेच्या अनुषंगाने उत्तरे द्यायची होती. या परीक्षेचा निकाल ६ जानेवारीच्या बैठकीत घोषित केला जाणार असला, तरी ऐनवेळी हाती पेपर आल्याने अधिकाऱ्यांची भंबेरी उडाली.