संतापजनक! दिव्यांग महिलेला शिवीगाळ करत मारहाण; दोषींवर कठोर कारवाईची मागणी | Sakal
sakal

बोलून बातमी शोधा

Divyang woman abused and beaten

संतापजनक! दिव्यांग महिलेला शिवीगाळ करत मारहाण

अंबासन (जि.नाशिक) : येथे दिव्यांग महिलेला शिविगाळ करीत मारहाण केल्याची धक्कादायक घटना घडली असून सदर दिव्यांग महिलेने जायखेडा पोलिस ठाण्यात गुन्हा दाखल केला आहे. मारहाण करणाऱ्यांवर कठोर कारवाईची मागणी अंपग प्रहार संघटनेने केली आहे.

अपंगत्वाची केली अवहेलना

याबाबत सविस्तर वृत्त असे की, दिव्यांग महिला प्रतिभा खैरनार यांच्या आईची तब्येत ठिक नसल्याने मंगळवार (ता.११) दुपारी विचारपूस करण्यासाठी आपल्या लहान मुलीसह आईच्या घरी गेल्या होत्या. त्यानंतर परत येत असतांनाच कुठलेही कारण नसतांना महेंद्र आहिरे व पत्नी वैशाली महेंद्र आहिरे यांनी प्रतिभा यांना अश्लील शिवीगाळ करीत मारहाण करत, 'पुन्हा इथे पाऊल ठेवले तर याद राख. तु लंगडी आहेस सायंकाळी तुझ्या घरी येऊन ठोकतेच' असा सज्जड दमही दिला. दिव्यांग महिलेची कुठलीही चूक नसतांना विनाकारण अश्लील शिवीगाळ करीत मारहाण केल्याने त्यांनी प्रहार संघटनेचे संस्थापक तसेच राज्यमंत्री बच्चूभाऊ कडू याच्यांकडे तक्रार केली आहे.

हेही वाचा: संतापजनक! आरोग्य केंद्राने बाहेरचा रस्ता दाखवला; रस्त्यावरच झाली प्रसूती

याप्रकाराबाबत जायखेडा पोलिस ठाण्यात गुन्हा नोंदविण्यात आला असून सहाय्यक पोलिस निरीक्षक श्रीकृष्ण पारधी, उपनिरीक्षक तुषार भदाणे यांच्या मार्गदर्शनानुसार हवालदार नानासाहेब पाटिल तपास करीत आहेत. दिव्यांग महिलेवर झालेला अन्यायाबाबत अंपग प्रहार संघटनेकडून तीव्र संताप व्यक्त केला जात असून संबंधितांवर कठोर कारवाई करण्याची मागणी केली जात आहे.

हेही वाचा: जळगाव : आंतरजातीय विवाह करणाऱ्या दांपत्यांचा छळ

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top