नाशिक/ जुने नाशिक- जागतिक अमली पदार्थविरोधी दिनाच्या पूर्वसंध्येला जिल्ह्यात तीन ठिकाणी झालेल्या कारवाईत गांजा, तसेच ३२ लाखांचा गुटखा जप्त करण्यात आला.भद्रकालीतील सुकामेव्याचे दुकान व गुदामावर छापा टाकून अमली पदार्थविरोधी पथकाने इ-सिगारेटसह परदेशी बनावटीच्या प्रतिबंधित सिगारेटचा साठा जप्त केला. भद्रकाली पोलिसांत गुन्हा दाखल करण्यात येऊन सुमारे सव्वादोन लाखांचा मुद्देमाल जप्त केला आहे.