नाशिक- शिक्षणमंत्री दादा भुसे यांनी शिक्षण विभागाचा जिल्हानिहाय आढावा घेण्यास सुरुवात केली आहे. नंदुरबारपाठोपाठ आता नाशिक जिल्ह्याची बैठक बुधवारी (ता. १६) सकाळी साडेदहाला जिल्हा परिषदेत होणार आहे..प्राथमिक व माध्यमिक शिक्षण विभाग, राज्य माध्यमिक व उच्च माध्यमिक शिक्षण मंडळ, विभागीय शिक्षण उपसंचालक कार्यालयातील अधिकारी या बैठकीला हजर राहतील. माध्यमिक शिक्षण विभागाने या बैठकीसाठी ‘पीपीटी’ तयार केली आहे..शिक्षणमंत्र्यांसमोर त्याचे सादरीकरण करण्यात येईल. शिक्षण विभागाच्या योजना, केलेल्या कार्यवाहीचा तपशील, संचमान्यतेची सद्यःस्थिती यांसह खासगी शिक्षण संस्थांशी निगडित प्रश्नांबाबत यात समावेश केला आहे. तसेच प्राथमिक शिक्षण विभागाशी निगडित विषयांचा प्रामुख्याने आढावा घेण्यात येईल..Teacher Recruitment : 'पवित्र पोर्टल' शिक्षक भरती रखडणार; खासगी अनुदानित शाळांवर अन्याय, 'ती' जाहिरात करावी लागणार रद्द.शिक्षण विभागाच्या योजना, शाळा दुरुस्ती, पोषण आहार तसेच रिक्त जागांची सद्यःस्थिती या संदर्भात प्रश्नावली शिक्षणमंत्र्यांनी पाठविली आहे. त्यानुसार माहिती जमा करण्याचे आदेश दोन्ही शिक्षणाधिकाऱ्यांना दिले आहेत. मंगळवारी (ता. १५) ही माहिती संकलित करण्याचे काम सुरू होते. तसेच राज्य माध्यमिक व उच्च माध्यमिक शिक्षण मंडळ व शिक्षण उपसंचालक यांनाही या बैठकीस उपस्थित राहण्याचे आदेश आहेत. त्यामुळे शिक्षण विभागाचा एकत्रित आढावा मंत्री घेणार आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
