Unseasonal Rain : अवकाळीमुळे कोबी बियाणे टाकण्यावर परिणाम; सामान्य वातावरणाची बळिराजाला प्रतिक्षा

Unseasonal Rain : कसमादे भागात सध्या पावसाळी कोबी बियाणे टाकण्याची लगबग शेतकऱ्यांकडून सुरु आहे. अवकाळीच्या फटक्यामुळे लहान शेतकरी हे पीक घेण्यासाठी उत्सुक दिसत आहेत. सध्या बाजारात शेतकऱ्यांच्या पसंतीचे बियाणे उपलब्ध नसल्याने कोबी उत्पादक कोणत्या कंपनीचे बियाणे टाकावे या संभ्रमात आहेत.

अवकाळी पाऊस रोज हजेरी लावत आहे. बियाणे टाकून नुकसान होवू नये म्हणून बहुसंख्य शेतकरी वातावरण सामान्य होण्याची वाट पाहत आहेत. (Effect of Unseasonal Rain on Cabbage Seeding farmers wait normal environment nashik news)

दिवसभर कडक उन्हामुळे नागरिक त्रस्त होत आहेत. सायंकाळी चारनंतर होणाऱ्या ढगाळ वातावरणामुळे बेमोसमी पावसाची शक्यता असते. सध्या काही ठिकाणी पावसाळ्यासारखा पाऊस होत आहे.

केरसाणे, दसाणे परिसरात हा कोबी पिकाचे उत्पादन घेण्यात अग्रेसर आहे. बदललेल्या वातावरणामुळे यावर्षी शेतकरी हे पीक घेण्यासाठी द्विधा मनःस्थितीत आहेत. शेतीमालाला भाव नसल्यामुळे आता शेतकरी काळजीत आहेत.

हेही वाचा : संतुलित आहारातून रोखा फॅटी लिव्हरचा आजार

कांदा पाठोपाठ टोमॅटोचे दरही कोसळले आहेत. अनेक टोमॅटो उत्पादकांनी तोडणी बंद केल्याने शेतातच टोमॅटो लाल होत आहे. त्यामुळे कोबीची काय अवस्था राहील अशी चर्चा शेतकऱ्यांमध्ये आहे. कसमादे परिसरातील शेतकऱ्याकडून युरो २, वीर, ३३३, डॉलर, बॉटर, सुकुती या कोबी बियाण्यांना पसंती असते.

"अवकाळी पावसामुळे कोबी बियाणे खरेदी करणाऱ्याची संख्या कमी आहे. काही बियाणे कंपन्या अद्यापपर्यत बाजारात आलेल्या नाही. उत्पादकांच्या पसंतीचे बियाणे आल्यास थोड्याफार प्रमाणात विक्री होईल." - भरत सोनवणे , संचालक, किसान मॉल