त्र्यंबकेश्वर, (जि. नाशिक) - राज्यात महायुतीला दणदणीत विजय मिळाल्यानंतर आता मुख्यमंत्री कोण होणार, यावरून घमासान सुरू झाले आहे. विद्यमान मुख्यमंत्री एकनाथ शिंदे यांनीही पुन्हा हे पद मिळावे यावर जोर दिलेला आहे. .याविषयीच्या चर्चा, बैठका मुंबईत सुरू असताना दुसरीकडे मुख्यमंत्र्यांच्या पत्नी लता शिंदे यांनी आज सकाळी येथे श्री त्र्यंबकेश्वराची पूजा केली अन् मुख्यमंत्रिपद पुन्हा शिंदे यांनाच मिळावे, यासाठी साकडे घालत अभिषेक केला..लता शिंदे यांचे आज सकाळी येथे आगमन झाले. त्यांनी आद्य ज्योतिर्लिंग त्र्यंबकेश्वराची पूजा करत त्यांनी अभिषेक केला. यानंतर त्यांच्या हस्ते श्री त्र्यंबकेश्वराची आरती झाली. आमदार हिरामण खोसकर, संपतराव सकाळे यांच्यासह शिवसेना पदाधिकारी व कार्यकर्त्यांनी गर्दी केली होती..त्र्यंबकेश्वर देवस्थानच्या अधिकाऱ्यांतर्फे लता शिंदे यांचा कोठी हॉल येथे सत्कार करण्यात आला. यानंतर त्यांच्याशी माध्यम प्रतिनिधींनी संपर्क करण्याचा प्रयत्न केला, मात्र त्यांना टाळत त्यांनी येथून प्रस्थान केले. दरम्यान, हा आपला वैयक्तिक दर्शन दौरा होता, आपण नेहमीच दर्शनासाठी येत असतो एवढेच त्यांनी सांगितले..भीमाशंकरचे दर्शनमहाराष्ट्रामध्ये मुख्यमंत्री एकनाथ शिंदे यांच्या नेतृत्वाखाली महायुती सरकारने यश संपादन केल्यानंतर मुख्यमंत्री एकनाथ शिंदे यांच्या पत्नी लता शिंदे यांनी १२ ज्योतिर्लिंगांपैकी एक असणाऱ्या श्रीक्षेत्र भीमाशंकर येथे येऊन पवित्र शिवलिंगाचे दर्शन घेत रुद्राभिषेक केला..शिंदेंच्या नावाची पाटी काढली, पुन्हा लावलीनागपूर - नागपुरातील मुख्यमंत्री निवासस्थान असलेल्या ‘रामगिरी’ बंगल्यावरील एकनाथ शिंदे यांच्या नावाची पाटी काढण्यात आली होती. मात्र, काही तासांतच ती पुन्हा बसविण्यात आली. यामुळे राजकीय वर्तुळात उलट-सुलट चर्चा सुरू होत्या. मुख्यमंत्री एकनाथ शिंदे यांचा राजीनामा आणि पाटी काढण्याचे टायमिंग कसे साधले याबद्दल तर्क वितर्क काढले जात आहे.#ElectionWithSakal.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
