नाशिक : सासरच्या जाचाला कंटाळून महिला सरपंचाची आत्महत्या | Sakal
sakal

बोलून बातमी शोधा

नाशिक : सासरच्या जाचाला कंटाळून महिला सरपंचाची आत्महत्या

नाशिक : सासरच्या जाचाला कंटाळून महिला सरपंचाची आत्महत्या

sakal_logo
By
अरुण खंगाळ

लासलगाव (जि. नाशिक) : मरळगोई (खु.) ता निफाड येथील महिला सरपंचाने राहत्या घरी विषारी औषध सेवन केल्यामुळे मृत्यू झाल्याची घटना सोमवारी (दि. २२) रात्री घडली. मरळगोई खुर्द ग्रामपंचायतच्या विद्यमान महिला सरपंच योगीता अनिल फापाळे यांनी मंगळवारी त्यांच्या राहत्या घरी रात्री साडे आठच्या दरम्यान विषारी औषध सेवन केले. त्यांचे पती अनिल फापाळे यांनी उपचारासाठी लासलगाव येथील खाजगी हॉस्पिटलमध्ये दाखल केले परंतु डॉ खुशाल जाधव यांनी तपासणी दरम्यान सदर महिलेस मृत घोषित केले.

मयत योगिता चा भाऊ संतोष शांताराम गवळी रा. मकरंदपूर ता.कन्नड (औरंगाबाद) यांनी दिलेल्या फिर्यादीनुसार सरपंच झाल्या पासून माझी बहिणीस कोणत्याही कारणावरून व तिच्या चारित्र्यावर संशय घेऊन तिचा वारंवार मानसिक व शारीरिक छळ करत होते योगिता ने सासरच्या छळाला कंटाळून विषारी औषध सेवन करून आत्महत्या केल्याच्या तक्रारीवरुण पती अनिल बाबासाहेब फापाळे,सासरे बाबासाहेब फापाळे, सासु सरला फापाळे आणि दिर प्रदीप फापाळे सर्व राहणार मरळगोइ (खुर्द) यां चौघांविरुद्ध लासलगाव पोलीस ठाण्यात भादवी ३०६, २३, ५०४, ५०६, ३४ अन्वये गुन्हा दाखल केला आहे. याप्रकरणी तिघांना जणांना ताब्यात घेण्यात आले आहे. पुढील तपास सहाय्यक पोलीस निरीक्षक राहुल वाघ यांच्या मार्गदर्शनाखाली पोलीस उपनिरीक्षक रामकृष्ण सोनवणे करत आहे.

हेही वाचा: नाशिक : ग्रीनफिल्ड महामार्ग भूसंपादनाला शेतकऱ्यांचा विरोध

loading image
go to top