Nashik : टायर दुकानात आग; लाखांचे नुकसान

जुने नाशिक : तिग्रानिया कंपनी रोड कॉर्नर येथील सोना व्हील केअर दुकानास बुधवारी (ता. ३) रात्री तीनच्या सुमारास आग लागण्याची घटना घडली. फर्निचरसह विविध साहित्य जोडून सुमारे लाखाचे नुकसान झाले आहे. भद्रकाली पोलिस ठाण्यात अकस्मात जळीतची नोंद करण्यात आली आहे. (Fire at tire shop Losses of lakhs Nashik latest marathi news)

राहुल पारख यांची तिग्रानिया रोड कॉर्नरवर सोना व्हील केअर दुकान टायरची दुकान आहे. बुधवारी रात्री तीनला दुकानातून धूर येत असल्याची माहिती. परिसरातील दुकानदाराने श्री. पारख यांना दिली. दुकानात शॉर्टसर्किटमुळे आग लागल्याचे त्यांनी तक्रारीत नमूद केले आहे. काही वेळात अग्निशामक पथक बंबासह घटनास्थळी दाखल झाले.

आगीवर पाण्याचा मारा करत काही वेळेत नियंत्रण मिळविले. आगीत फर्निचर, वातानुकूलित यंत्र, टीव्ही, संगणक, प्रिंटर आदी साहित्य जळून राख झाले. अग्निशामक पथकाने वेळेत आगीवर नियंत्रण मिळविल्याने अनर्थ चढला. दुकान बंद असल्याने कुठलेही प्रकारची जीवितहानी झाली नाही.