Nashik News: लाकडी फळ्यांच्या गुदामाला आग

सिडको (जि. नाशिक) : अजमेरीनगर, अंबड लिंक रोडवरील शकिल चौधरी यांच्या लाकडी फळ्यांच्या गुदामाला बुधवारी (ता.१७) रात्री अचानक आग लागली. काही वेळातच आगीने रौद्ररूप धारण केले. काही नागरिकांनी लागलीच अग्निशमन विभागास संपर्क साधला. (fire at wooden plank warehouse Nashik Latest Marathi News)

या वेळी सातपूर अग्निशमन, सिडको अग्निशमन, मुख्यालय शिंगाडा तलाव अग्निशमन व अंबड औद्योगिक वसाहत अग्निशमन केंद्राचे बंब दाखल झाले. अथक प्रयत्नांनी आगीवर नियंत्रण मिळवत पुढील अनर्थ टाळला. सुदैवाने आगीत कोणतीही जीवितहानी झालेली नसून, सदर गुदाम जळून खाक झाले आहे. आग विझविण्यासाठी एस. के. बैरागी, आर. एम. बैरागी, केंद्रप्रमुख सातपूर पी. बी.परदेशी, वाहनचालक आणि फायरमन यांनी परिश्रम केले. आगीत फर्निचर प्लायवुड जळून सुमारे सात लाखाचे नुकसान झाले आहे.