Nashik NMC News : महापालिकेकडून थकबाकीदारांवर जप्तीची कारवाई!

मालेगाव (जि. नाशिक) : महापालिका प्रशासनाने थकबाकीदारांवर जप्तीची कारवाई सुरु केली आहे. यासाठी वार्डनिहाय पथक स्थापन करण्यात आले आहेत. मिळकत धारकांच्या थकीत रक्कमेवरील व्याजात सूट दिली जात आहे.

१ ते ३१ जानेवारी २०२३ या कालावधीत थकबाकी जमा केल्यास व्याजात ७० टक्के, तर १ ते २८ फेब्रुवारी या कालावधीत ५० टक्के सुट देण्यात येणार आहे. (Foreclosure action by malegaon municipal corporation against Tax defaulters Nashik NMC News)

हेही वाचा : भारतीय क्रिकेटची नवी आशा- पृथ्वी शाॅ

प्रभाग समिती क्रमांक १ क्षेत्रातील कलेक्टर पट्टा भागातील थकबाकीधारक मेघा शहा व इतर दोघांचे मिळकतीवरील एकूण ५ गाळे सील करण्यात आले. नियंत्रण अधिकारी सुनील खडके यांच्या मार्गदर्शनाखाली कारवाई करण्यात आली.

कारवाईत प्रभाग अधिकारी जगदीश बडगुजर, जप्ती अधिकारी रमाकांत धामणे, जयवंत पाटील, राजेश दिवे, मोहन बागूल, जोगेंद्र पाथरे आदींनी सहभाग घेतला.