आश्चर्यच! लॉकडाऊनमध्ये नाशिकमध्ये चक्क नोटांचा पाऊस? नेमका प्रकार काय?

नाशिक : सौंदाणे येथील मनमाड-चोंढी रोडलगत हांडी व हनुमान मंदिर शिवारात अर्धा किलोमीटर परिसरात वीस, पन्नास, शंभर, पाचशे अशा दोन हजार किमतीच्या नोटा शेतात पसरविलेल्या दिसल्याने शेतकऱ्यांमध्ये शंकेचे व भीतीचे वातावरण निर्माण झाले आहे.

नेमका काय घडला प्रकार...

या नोटा अर्धा किलोमीटरपर्यंत पसरलेल्या दिसल्याने विविध अफवांना परिसरात ऊत आला होता. शेतीचे काम करण्यासाठी येथे शेतमजूर शेतीच्या कामासाठी येत असतात. त्यांना त्या नोटा चुरगळलेल्या व ओल्या होऊन वाळलेल्या अवस्थेत दिसल्याने त्यांनी हा प्रकार शेतकऱ्यांच्या लक्षात आणून दिला. त्यानंतर परिसराची रोडलगत पाहणी केली असता त्यांना अर्धा किलोमीटरपर्यंत सगळ्या दोन हजार रुपये किमतीच्या नोटा आढळून आल्या. कोविड-19 चा प्रसार नोटांमधून पण होतो, अशी शंका व्यक्त करीत स्थानिक शेतकऱ्यांनी ग्रामस्थांच्या मदतीने जमा केलेल्या सर्व नोटा जाळून नष्ट केल्या.

हेही वाचा > धक्कादायक!...अन् 'त्या' पोलिस उपनिरीक्षकाने स्वत:वरच झाडली गोळी...

हेही वाचा >VIDEO : निदान 'या' नऊ महिन्याच्या चिमुरडीचं तरी ऐका...'ती' काय म्हणतेय एकदा तरी बघाच​