महिलेला मदतीच्या बहाण्याने गंडविले

नाशिक : द्वारका परिसरात स्टेट बॅकेच्या एटीएम केंद्रात पीन जनरेट करणाऱ्या महिलेला मदतीच्या बहाण्याने गंडवून एटीएम कार्डाची आदलाबदल करीत एकाने २३ हजार रुपये काढून घेतले.

अर्चना श्रीराम रोकडे (वय ३५, नागजी चौक) या द्वारका चौकातील एटीएम केंद्रात नवीन पिन जनरेट करीत असतांना एका तीस ते चाळीस वर्षाच्या व्यक्तीने त्यांच्या कार्डाची आदलाबदल करीत खात्यातील २३हजार १०० रुपये काढले. याप्रकरणी पिडीत महिलेच्या तक्रारीवरुन भद्रकाली पोलिस ठाण्यात गुन्हा दाखल झाला आहे.