Crime Update : आई-बापाला मारण्याची धमकी देत मुलीवर बलात्कार

नाशिक : आई-वडिलांना ठार मारण्याची धमकी देत नराधमाने अल्पवयीन मुलीवर हॉटेलमध्ये नेऊन बलात्कार (rape) केल्याची गंभीर घटना उघडकीस आली आहे. याप्रकरणी अंबड पोलिसात ठाण्यात संशयिताविरोधात बलात्कार व पोस्कोअंतर्गत (Pocso) गुन्हा दाखल करण्यात आला आहे. (Girl raped by threatening to kill her parents Nashik Latest Crime News)

मजहर अन्वय खान असे संशयित नराधमाचे नाव आहे. अंबड शिवारातील वरचे चुंचाळे परिसरात राहणाऱ्या पीडित अल्पवयीन मुलीच्या पालकांनी दिलेल्या फिर्यादीनुसार, संशयित मजहर खान याने १६ वर्षीय अल्पवयीन मुलीला तिच्या आई-वडलांना ठार मारण्याची धमकी दिली.

त्यानंतर तिला त्र्यंबकेश्‍वर रोडवरील एका हॉटेलमध्ये नेऊन गेल्या २ एप्रिल ते ४ एप्रिल दरम्यान बलात्कार केला. सदरील प्रकार दोन महिन्यांनी उघडकीस आल्यानंतर याप्रकरणी अंबड पोलिसात पीडितेच्या पालकांनी धाव घेत फिर्याद दिली. त्यानुसार, बलात्कार आणि पोस्का अन्वये गुन्हा दाखल करण्यात आला असून, पोलीस उपनिरीक्षक संदीप पवार हे अधिक तपास करीत आहेत.