Crime Update : बंद घरातून सोन्याचा राणीहार लंपास

जुने नाशिक : काठे गल्ली येथून ७० हजारांचा सोन्याचा हार चोरी झाल्याची घटना उघडकीस आली आहे. अज्ञात संशयीताविरुद्ध भद्रकाली पोलीस ठाण्यात गुन्हा दाखल करण्यात आला आहे. (Gold ranihar looted from closed house nashik Crime Update Latest Marathi News)

मीना बधान कुटुंबीयांसह पनवेल येथे गेल्या होत्या. ३० ऑगस्टला त्या घरी परतल्या. हरितालिका असल्याने हार घेण्यासाठी गेले. ठेवलेल्या ठिकाणी हार मिळून आला नाही. त्यांनी शेजाऱ्यांसह त्यांच्याकडे कामास येणाऱ्या मोलकरणीस याबाबत विचारले. परंतु हारची माहिती मिळाली नाही.

हार ठेवण्याची जागा केवळ त्यांना आणि त्यांच्या पतींना माहिती होती. कुठलीही तोडफोड न करता चावीच्या सहाय्याने लॅच लॉक उघडून आत प्रवेश करत हार चोरी केल्याचा संशय त्यांनी व्यक्त केला आहे. १७ जुलै ते ३० ऑगस्टच्या दरम्यान अज्ञात संशयिताकडून हार चोरी केल्याचे त्यांनी तक्रारीत नमूद केले आहे. भद्रकाली पोलीस अधिक तपास करत आहे.