ISRO News : इस्त्रोच्या प्रशिक्षण शिबिरात सहभागाची विद्यार्थ्यांना सुवर्णसंधी; जाणून घ्या सविस्तर माहिती

Published on : 27 March 2023, 6:19 am

इगतपुरी : शालेय पातळीवर इयत्ता नववीत शिक्षण घेत असलेल्या राज्यभरातील विद्यार्थ्यांना भारतीय अवकाश संशोधन संस्थेच्या (ISRO) प्रशिक्षण शिबिरात सहभागी होण्याची संधी प्राप्त झाली आहे. बाल शास्त्रज्ञांसाठीचा युविका म्हणजेच युवा विज्ञानी कार्यक्रमाची घोषणा करण्यात आली आहे. येत्या १५ ते २६ मेपर्यंत इस्रोच्या केंद्रांवर हा कार्यक्रम होईल.

ISRO ने रचला इतिहास, भारताचा सर्वात मोठा LVM3 रॉकेट केला लाँच, वाचा काय आहे खासियत

विद्यार्थ्यांना अवकाश विज्ञान, तंत्रज्ञान, नवे शोध आणि करिअरच्या वाटांबद्दल लहान वयातच योग्य दिशा मिळावी म्हणून या कार्यक्रमाची निर्मिती करण्यात आली आहे. इस्रोच्या अधिकृत संकेतस्थळावर या कार्यक्रमाची घोषणा करण्यात आली आहे.

विशेष म्हणजे निवड प्रक्रियेत ग्रामिण भागातील विद्यार्थ्यांना १५ टक्के अधिक गुण मिळणार असून, याचा थेट फायदा जिल्हा परिषदेच्या शाळांतील विद्यार्थ्यांना होणार आहे. गुणवत्ता यादीत निवड झालेल्या विद्यार्थ्यांच्या जाण्या-येण्याचा व राहण्याचा खर्च इस्रोतर्फे करण्यात येणार आहे. अधिक माहिती आणि अर्जासाठी

https://www.isro.gov.in/YUVIKA.html या संकेतस्थळाला भेट द्यावी, असे आवाहन करण्यात आले आहे.