Nashik Crime News : उभ्या ट्रकमधून दीड लाखांचा माल लांबवला

सिन्नर (जि. नाशिक) : नाशिक-पुणे महामार्गाच्या कडेला उभ्या असलेल्या मालट्रकमधून रात्रीच्यावेळी अज्ञात चोरट्यांनी दिड लाखांचा माल लांबवल्याची घटना घडली. (Goods worth one half lakh stolen from standing truck Nashik Latest Crime News)

माणिक बाबुराव सराटे हे अहमदनगर येथील ट्रान्सपोर्टवरुन आपला ट्रक क्र. एम. एच. 12/ एफ. सी. 7656 घेऊन नाशिकच्या दिशेने निघाले होते. रात्री 10 वाजेच्या सुमारास गुरेवाडी शिवारात आला असता चालकाने जेवणासाठी ट्रक येथील स्वामी समर्थ पेट्रोल पंपाजवळ उभा केला होता. तेथे जेवण केल्यानंतर चालक ट्रकच्या केबिनमध्येच झोपले. रात्रीच्यावेळी अज्ञात चोरट्यांनी संधी साधत गाडीच्या पाठीमागील बाजूची ताडपत्री कापून कापून ट्रकमधील मेडीसीन, कपड्याच्या गाठी व सिगारेट असलेले दिड लाखांचा मुद्देमाल लंपास केले.

सकाळी चालक उठल्यानंतर चोरीचा प्रकार उघडकीस आला. यानंतर त्यांनी मुसळगाव एमआयडीसी पोलिस ठाण्यात धाव घेऊन फिर्याद दिली. पोलिसांनी अज्ञात चोरट्यांविरोधात चोरीचा गुन्हा दाखल केला असून पुढील तपास पोलिस उपनिरीक्षक रावसाहेब त्रिभुवन करत आहेत.