GST fraudsakal
नाशिक
Nashik Crime : 'जीएसटी' बनावट सॉफ्टवेअर प्रकरण; देवळालीतील इंजिनिअर ताब्यात, गुप्तचरांची झडती सुरू
GST Intelligence Raids Software Engineer’s Home in Deolaligav : ‘जीएसटी’ फसवणूक प्रकरणात पथकाकडून रात्री उशिरापर्यंत झडतीसत्र सुरू होते. ‘जीएसटी’साठी बनावट सॉफ्टवेअर आणि करपावत्या बनवून लाखोंचा कर चुकविल्याचा पथकाचा संशय आहे.
नाशिक रोड: ‘जीएसटी’चे बनावट सॉफ्टवेअर बनवून त्याद्वारे शासनाची आर्थिक फसवणूक केल्याप्रकरणी पुणे येथील ‘जीएसटी’ गुप्तचर विभागाच्या पथकाने शनिवारी (ता. २६) पहाटे देवळालीगावातील संशयित सॉफ्टवेअर इंजिनियर युवकाच्या घरावर छापा टाकला. पथकाने त्याच्या घरातून परवाना नसलेले पिस्तूल आणि सहा जिवंत काडतुसे जप्त केली आहेत. ‘जीएसटी’ फसवणूक प्रकरणात पथकाकडून रात्री उशिरापर्यंत झडतीसत्र सुरू होते. ‘जीएसटी’साठी बनावट सॉफ्टवेअर आणि करपावत्या बनवून लाखोंचा कर चुकविल्याचा पथकाचा संशय आहे.