Nashik : कर्करोगग्रस्‍तांसाठी रिशा राठीकडून केस दान

नाशिक : वाढदिवसाच्या दिवशी सौंदर्याचे आभूषण असलेल्या केसांचे दान देऊन कर्करोगाविरुद्ध लढा देणाऱ्या महिलांना आठवर्षीय रिशाने बळ दिले आहे. कर्करोगग्रस्‍त महिलांसाठी रिशा राठी हिने केस दान करत सामाजिक संदेश दिला आहे. (Hair donation by Risha Rathi for cancer patients Nashik Latest Marathi News)

उद्योजक हेमंत राठी यांची आठ वर्षाची नात रिशा आनंद राठी हिने वाढदिवसाला कर्करोगग्रस्‍त रुग्णांच्या केस रोपणाकरिता दान करण्याचा निर्णय घेतलेला होता. एक वर्षापूर्वी तिची आई डॉ. मेघा राठी यांनी केस दान केले होते.

ते पाहिल्यानंतर स्वयंस्फूर्तीने रिशाने स्वतःचे तेरा इंच लांबीचे केस कापून महिलांसाठी काम करणाऱ्‍या हेअर फार होप इंडिया प्रोटेक्ट युवर मॉम आशिया या संस्थेस नाशिक लेडीज सर्कल ११९ च्या माध्यमातून दान केले.

कर्करोग रुग्णांच्या केमो उपचारानंतर केस जाणे ही बाब रुग्णांचे मानसिक खच्चीकरण करणारी असते. त्यांना मानसिक आधार देण्यासाठी पुढे येणे गरजेचे आहे. रिशाने केस दान करत इतरांनाही प्रोत्‍साहित केल्‍याने तिचे सर्व स्तरावरून अभिनंदन होत आहे.