चारित्र्याच्या संशयावरून पत्नीचा खून; संशयित पोलिस ठाण्यात स्वतः हजर | Sakal
sakal

बोलून बातमी शोधा

Crime news

चारित्र्याच्या संशयावरून पत्नीचा खून; संशयित पोलिस ठाण्यात स्वतः हजर

नाशिक : पाच दिवसांपूर्वी औरंगाबादवरून नाशिकमध्ये आलेल्या संशयित पतीने पत्नीच्या चारित्र्यावर संशय घेत तिच्या गळ्यावर वार करीत खून केल्याचा प्रकार उघडकीस आला आहे. सदरची घटना चुंचाळे शिवारातील दत्तनगरमध्ये घडला आहे. संशयित पती पत्नीचा खून करून औरंगाबाद येथील वाळुंज पोलिस ठाण्यात स्वतः हजर झाल्यानंतर सदरचा प्रकार उघडकीस आला. याप्रकरणी अंबड पोलिसांनी संशयित पतीला अटक केली आहे.

संगीता सचिन पवार (२२) असे मयत पत्नीचे नाव आहे. तर, सचिन पवार (२८, रा. एकतानगर, वाळुंज, औरंगाबाद) या संशयित पतीला अंबड पोलिसांनी औरंगाबादच्या वाळुंज पोलीसांकडून ताब्यात घेतले आहे. पोलिसांच्या प्राथमिक माहितीनुसार, संशयित सचिन पवार हा अंबड औद्योगिक वसाहतीतील कंपनीमध्ये कामाला होता. पाच दिवसांपूर्वी तो पत्नी संगीता हिला घेऊन नाशिकला आला होता. यादरम्यान त्याने पत्नीचे अनैतिक संबंध असून, तिच्या चारित्र्यावर संशय घेत होता. त्यावरून त्याने रविवारी (ता. २६) सायंकाळी घरी आल्यानंतर दोघांमध्ये वाद झाला. त्यावेळी संशयित सचिन याने पत्नी संगीताच्या गळ्यावर धारदार हत्याराने वार करीत तिचा खून केला. त्यानंतर त्याने घराच्या दाराला कुलूप लावून वाळुंजला (औरंगाबाद) निघून गेला.

हेही वाचा: मोबाईल हाताळण्यावरून पत्नीचा गळा चिरून खून; पतीची कबुली

याप्रकरणी अंबड पोलिसात खुनाचा गुन्हा दाखल करण्यात आला असून, वरिष्ठ पोलीस निरीक्षक भगीरथ देशमुख यांच्या मार्गदर्शनाखाली अंबड पोलीस ठाण्याचे सहाय्यक निरीक्षक गणेश शिंदे, हेमंत आहेर, जनार्दन ढाकणे, मच्छिंद्रनाथ वाक्‌चौरे यांच्या पथक संशयिताला औरंगाबाद पोलिसांच्या ताब्यातून घेतले आहे.

स्वत:च झाला हजर

पत्नी संगीताचा खून केल्यानंतर संशयित सचिन याने औरंगाबाद गाठले. सोमवारी (ता.२७) पहाटे अडीच-तीन वाजेच्या सुमारास तो वाळुंज पोलीस ठाण्यात स्वत: हजर झाला आणि त्याने पत्नीचा खून केल्याचे सांगितले. वाळुंज पोलिसांनी तात्काळ अंबड पोलीस ठाण्याशी संपर्क साधून घटनेची माहिती दिली. अंबड पोलिसांनी शहानिशा करण्यासाठी चुंचाळे शिवारातील दत्तनगरमधील संशयिताचे घर गाठले. घराचा दरवाजा तोडून आत पाहिले असता, संगीता मृतावस्थेत होती. तिच्या गळ्यावर वार करण्यात आलेले होते. घटनेची सत्यता पटल्यानंतर अंबड पोलिस ठाण्याचे एक पथक संशयित सचिन यास ताब्यात घेण्यासाठी वाळूंजला रवाना करण्यात आले. पथकाने त्यास ताब्यात घेतले आहे.

हेही वाचा: अवैध मद्याची वाहतूक; वाहनासह एकाला अटक

Web Title: Husband Killed His Wife Nashik Crime News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top