Nashik News : महापालिकेच्या अंतर्गत कार्यरत असलेल्या अंगणवाडी सेविका, मदतनीस यांच्या मानधन वाढीला आयुक्त डॉ. अशोक करंजकर यांनी मान्यता दिली आहे. (Increase in salary of Anganwadi Sevika Helper nashik news)
महापालिकेच्या महिला व बालकल्याण विभागांतर्गत येणाऱ्या अंगणवाडीत मुख्य सेविका, अंगणवाडी सेविका व मदतनीस तात्पुरत्या स्वरूपात मानधनावर कार्यरत आहेत.
अंगणवाडी मुख्य सेविका, अंगणवाडी सेविका यांचे मानधनात मासिक दोन हजार रुपये, अंगणवाडी मदतनीसांच्या मानधनात मासिक सोळाशे रुपये वाढ करण्यात आली आहे.
हेही वाचा : Credit Card फसवणूक....काय घ्याल काळजी?
मुख्य सेविका यांचे सुधारित मानधन रुपये साडेआठ हजार रुपये, अंगणवाडी सेविकांचे दरमहा सात हजार ६२० रुपये, अंगणवाडी मदतनीसांचे मासिक सात हजार रुपये सुधारित मानधन झाले आहे.
पाच मुख्य सेविका, ३०५ अंगणवाडी सेविका व ३०२ मदतनीस कार्यरत आहेत. अशी माहिती समाजकल्याण विभागाचे उपायुक्त प्रशांत पाटील यांनी दिली.
