नाशिक- यंदा मार्चमध्ये बाजारपेठेत फळांचा राजा आंबा तोऱ्यात दाखल झाला. हजार रुपये डझनाने मिळणारा रत्नागिरी, देवगड हापूस आंबा सर्वसामान्यांच्या आवाक्याबाहेर असल्याने खरेदीला जेमतेम प्रतिसाद मिळत आहे. .लहानांपासून ते ज्येष्ठांपर्यंत सर्वांना आवडणारा आंबा बाजारात दाखल झाला असून सध्या लाल बाग, हापूस या दोन प्रकारचे आंबे बाजारात मिळत आहे. हापूस आंबा आकारानुसार हजार रुपयांपासून ते दोन हजार रुपये डझनाने मिळत आहे, तर लालबाग आंबा २५०-३०० रुपयांना मिळत आहे. या व्यतिरिक्त केशर, बदाम, नीलम, राजापुरी आंबा बाजारात यायला अजून अवकाश असल्याने अक्षयतृतीयापर्यंत आंब्याचे विविध प्रकार बाजारात दाखल होतील, असे आंबा विक्रेत्यांनी सांगितले आहे. .यंदा मागील वर्षाच्या तुलनेने किरकोळ भाववाढ असल्याने विक्रेत्यांमध्ये उत्साह असला तरी ग्राहकांचा पाहिजे तसा प्रतिसाद मिळत नाही. सध्या कॉलेज रोड, गंगापूर रोड, मेनरोड, रेडक्रॉस सिग्नलसह शहराच्या विविध भागात हापूस आंब्याची दुकाने थाटली आहेत..महोत्सवाची गोडी आंबा बाजारात दाखल होताच शहराच्या विविध भागांत खास आंबा महोत्सव घेण्यात येतो. यामुळे थेट शेतातील ताजा आंबा एका छताखाली ग्राहकांना मिळत असल्याने ग्राहकही अशा महोत्सवांना गर्दी करतात. शिवाय आता सामाजिक माध्यमावर अनेकजण ऑनलाइन आंब्याची विक्री करीत असल्याने ग्राहकांना खरेदीसाठीचे अनेक पर्याय खुले आहेत. .आमच्याकडे कोकणातही अस्सल हापूस उपलब्ध असून, अगदी आठशे रुपयांपासून ते हजार रुपये डझनापर्यंत आंबे उपलब्ध आहे. सध्या भाववाढ फारशी झालेली नाही. केशर आंबा मात्र अजून बाजारात आलेला नाही. - सैफ उद्दीन, विक्रेते, गंगापूर रोड.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
