Kirit Somaiya : अब कि बारी रवींद्र वायकर...: किरीट सोमय्या

Kirit Somaiya : शिवसेनेचे पदाधिकारी रवींद्र वायकर हे उद्धव ठाकरे यांचे भागीदार आहे. मुंबईत त्यांच्या ५०० कोटीच्या हॉटेलचे कामकाज सुरू आहे.

त्यात तत्कालीन मुंबई महापालिकेतील अधिकाऱ्यांकडून भूखंड देण्यासाठी मदत झाल्याने या प्रकरणात वायकर यांच्यावर कारवाई होणार असल्याचा दावा भाजपचे नेते किरीट सोमय्या यांनी आज येथे केला. (Kirit Somaiya statement about action on Ravindra Vaikar nashik poltiical news)

हेही वाचा : Credit Card फसवणूक....काय घ्याल काळजी?

श्री. सोमय्या आज नाशिकला होते. पोलिस अधीक्षकांना निवेदन दिल्यानंतर पोलिस अधीक्षक कार्यालय आवारात झालेल्या पत्रकार परिषदेत ते बोलत होते. आमदार देवयानी फरांदे, शहराध्यक्ष गिरीश पालवे, ज्येष्ठ नेते लक्ष्मण सावजी आदी उपस्थित होते.

श्री. सोमय्या म्हणाले की, रवींद्र वायकर हे उद्धव ठाकरे यांचे भागीदार आहेत. त्यांच्या सुमारे ५०० कोटीच्या हॉटेलचे कामकाज मुंबईत सुरू आहे. ज्या हॉटेलचे कामकाज सुरू आहे त्या हॉटेलसाठी जो भूखंड उपलब्ध करून दिला गेला त्यात तत्कालीन मुंबई महापालिकेतील प्रशासकीय यंत्रणेने मदत केली.

त्यामुळे अशा सुमारे एक डझनभर अभियंत्यांना नोटीस देऊन चौकशी सुरू आहे. नगरविकास विभागाकडून ही चौकशी सुरू आहे. न्यायालयानेही यात लक्ष घातले आहे. त्यामुळे या पुढील कारवाई आता रवींद्र वायकर यांच्यावर असणार आहे.