जळगाव- गुन्हा दाखल असलेले ४३ संशयित बांगलादेशी आहेत किंवा नाही, याचे प्रमाणपत्र देण्याची ‘एसपीं’नी घाई करू नये. त्याची ‘एनआयए’ आणि ‘एटीएस’ चौकशी करू शकते, असे भाजप नेते किरीट सोमय्या यांनी सांगितले..तहसीलदारांच्या बनावट सही- शिक्क्यांचा वापर करून बनावट जन्म दाखले दिल्याचे उघडकीस आले आहे. या प्रकरणी ॲड. शेख मोहंमद रईस इद्रीस बागवान (वय ४७, रा. शाहूनगर), ॲड. शेख मोसिन शेख सादिक मणियार (वय ४५) यांना अटक झाली आहे. या प्रकरणी माजी खासदार किरीट सोमय्या मंगळवारी (ता. ८) येथे आले होते. त्यांनी संशयितांसह तपासाची माहिती जिल्हा पोलिस अधीक्षकांकडून घेतली. .मूळ दस्तऐवज, संशयिताचे जाबजबाब, पोलिसांनी मिळविलेले खरे दाखले यांसह तपासाची दिशाबाबत श्री. सोमय्या यांनी सायंकाळी साडेपाचपर्यंत माहिती घेतली. जळगावच्या प्रकरणात बांगलादेशी किती हे चार वेळेस विचारूनही हा तपासाचा भाग आहे, असे सांगत त्यांनी प्रश्न टाळला. गुन्ह्यात वकिलांना अटक केल्याने जळगाव पोलिसांच्या तपासावर समाधान व्यक्त करून त्यांनी एसपींचे कौतुक केले..Ramdas Athawale : शासनाच्या योजना लाभार्थ्यांपर्यंत पोहोचवा : रामदास आठवले.नंतर सोमय्या जिल्हाधिकारी कार्यालयात गेले. तेथे पत्रकारांनी मंत्री गिरीश महाजन यांनी या प्रकरणात ‘एटीएस’कडून तपासाचा उल्लेख केल्याची जाणीव करून दिली. सोबतच पोलिस अधीक्षकांनी या प्रकरणात कुणीही बांगलादेशी नसल्याचे सांगितल्यावर श्री. सोमय्या यांनी हे प्रकरण अत्यंत गंभीर असून, संशयित बांगलादेशी आहेत किंवा नाहीत, याचे प्रमाणपत्र देण्याची घाई एसपींनी करू नये. तो ‘एनआयए’ आणि ‘एटीएस’च्या तपासाचा भाग राहील, असे स्पष्टपणे सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
