Central Railway
sakal
नाशिक रोड/ देवळाली कॅम्प: आगामी २०२७ च्या सिंहस्थ कुंभमेळ्यासाठी मध्य रेल्वेच्या भुसावळ विभागाने कंबर कसली आहे. २०१५ च्या कुंभमेळ्याच्या तुलनेत या वेळी तब्बल ५० पट अधिक, म्हणजेच सुमारे दोन ते तीन कोटी भाविकांची अभूतपूर्व गर्दी अपेक्षित धरून रेल्वेने एकात्मिक विकास आराखडा तयार केला आहे. याअंतर्गत नाशिक रोडसह देवळाली, ओढा, खेरवाडी आणि कसबे सुकेणे या महत्त्वाच्या पाच स्थानकांचा कायापालट केला जात आहे.
