नाशिक- आगामी सिंहस्थ कुंभमेळ्यासाठी महापालिकेने पंधरा हजार कोटी तर अन्य शासकीय यंत्रणांनी नऊ हजार असा एकूण २४ हजार कोटी रुपयांचा विकास आराखडा शासनाला सादर केला आहे. असे असताना पावसाळी अधिवेशनात पुरवणी मागण्यांमध्ये एक हजार कोटी रुपयांची तरतूद केली. विशेष म्हणजे कच्चे नियोजन असा उल्लेख असून, नेमका निधी कुठल्या यंत्रणेसाठी जाहीर केला, याबाबत स्पष्टता नसल्याने महापालिका, सिंहस्थ कुंभमेळा प्राधिकरणासह जिल्हा प्रशासनाचा गोंधळ उडाला.