Crop Damage : लासलगावला वावटळीने द्राक्ष बाग भुईसपाट; 10 लाखांचे नुकसान

लासलगाव (जि. नाशिक) : येथे दीड एकर सुपर सोनाका जातीची द्राक्ष बाग गुरुवारी (ता. ३०) वावटळीने भुईसपाट झाली आहे.

लासलगाव-कोटमगाव रोडवरील श्री छत्रपती शिवाजी महाराज नवीन कांदा मार्केट जवळ येथील शेतकरी प्रल्हाद कमलाकर पाटील यांचा दीड एकर द्राक्ष बागेचे शेत आहे. त्यात त्यांचे आठ ते दहा लाखांचे नुकसान झाले आहे. (Lasalgaon hit by wind and grape wineyard destroyed 10 lakhs loss nashik news)

द्राक्ष बागेचा द्राक्ष व्यापाऱ्याशी ५१ रुपये प्रतिकिलोने करार झालेला होता. परंतु, रामनवमीची सुट्टी असल्याने शुक्रवारपासून व्यापारी द्राक्षबाग काढणीला सुरवात करणार होते. अनेक संकटावर मात करत अचानक आलेल्या वादळाने दोनशे क्विंटल द्राक्षबाग भुईसपाट झाली. द्राक्षाची निर्यात होणारच होती तितक्यात वावटळीने पूर्ण बाग कोसळल्याने होत्याचे नव्हते झाले आहे.

अचानक आलेल्या वावटळीने भुईसपाट झालेला बाग उभे करण्याचा प्रयत्न केला. परंतु द्राक्षांचे वजन जास्त असल्याने बाग पुन्हा उभे करणे अशक्य झाले. निफाड तालुक्यात पंधरा दिवसांअगोदर आलेल्या अवकाळी पाऊस, गारपीटीमुळे शेतकऱ्यांचे प्रचंड नुकसान झाले आहे.

हेही वाचा : जीएसटीसाठी नोंदणी केलीच नाही तर??

येथील शेतकरी प्रल्हाद पाटील यांच्या एसएसएन व्हरायटीचा द्राक्षबाग हार्वेस्टिंगच्या टप्प्यात असतानाच वावटळीच्या तडाख्यात सापडल्याने नुकसान झाले आहे. दोन दिवसापूर्वी व्यापारी बाग पाहून गेले होते.

द्राक्ष रशिया येथे एक्स्पोर्ट होणार होते. आता पूर्ण द्राक्ष बाग कोसळल्याने मोठे नुकसान झाले आहे. मोठ्या कष्टाने द्राक्ष बाग वाढवली, फळ आता येण्याच्या मार्गावर असतानाच अस्मानी संकटांनी घाला घातला. यात संपूर्णतः द्राक्ष बाग उद्‌ध्वस्त झाल्याने पाटील यांचे प्रचंड नुकसान झाले आहे.