Nashik News: कळवणला साकारतोय अद्ययावत जॉगिंग ट्रॅक! 22 कोटी रुपये मंजूर

Nashik News : शहरवासीयांच्या आरोग्याची काळजी म्हणून लवकरच शहरात अद्ययावत असा जॉगिंग ट्रॅक तयार केला जात असून सद्य:स्थितीत पहिल्या टप्प्यातील ट्रॅकचे काम प्रगतिपथावर आहे. यामुळे कळवण शहराच्या वैभवात आणखी भर पडणार आहे. (latest jogging track building started at kalavan 22 crore approved Nashik New)

शहराच्या विकासासाठी आमदार नितीन पवार व नगराध्यक्ष कौतिक पगार यांच्या नेतृत्वाखाली विविध कामे मार्गी लागत असून नवनवीन नागरी सुविधांची निर्मिती केली जात आहे.

सर्वसामान्यांच्या आरोग्याची काळजी म्हणून शनिमंदिर ते संगमेश्वर महादेव मंदिरापर्यंत अद्ययावत असा जॉगिंग ट्रॅक उभारणार जात आहे.

नावीन्यपूर्ण प्रकल्पांतर्गत आमदार नितीन पवार यांच्या विशेष पाठपुराव्याने उपमुख्यमंत्री अजित पवार यांच्याकडे नगराध्यक्ष कौतिक पगार यांनी या प्रकल्पासाठी निधी मंजूर करावा अशी मागणी केली होती.

या प्रकल्पासाठी शासनाकडून २२ कोटी रुपये मंजूर झाले. पहिल्या टप्प्यात पाच कोटी रुपये वर्ग करण्यात आले असून शनी मंदिर ते बाजार पटांगण (एकलहरे रास्ता) यापर्यंत पूर्ण केले जाणार आहे

जॉगिंग ट्रॅकची वैशिष्टे

- अंतर-बेहडी नदीवरील ( संभाजी नगर पूल) ते थेट गिरणा संगम

- आकर्षक प्रवेश द्वार

- अंदाजे १ हजार ४००मीटर लांबी

- ट्रॅकची ब्रिकबॅटमध्ये बनणार ट्रॅक

- प्रस्तावीत लांबीत तीन आकर्षक पुलांचा समावेश

- नदीच्या प्रवाहाने जमिनीची झीज होऊ नये यासाठी सिमेंट काँक्रिटची तटबंदी

- बाराही महिने नदीच्या प्रवाहात स्थिर पाणी राहील यासाठी बंधारे

- नदीलगतच्या बाजूस बसण्यासाठी बाकांची सोय

- संपुर्ण ट्रॅकला झाडांची लागवड

- वातावरणात निर्मितीसाठी वॅाटरप्रुफ म्युझिक सिस्टम

- सतीमाता मंदिर व संगमेश्वर महादेव मंदिर परिसरात योगासाठी चबुतरा

- सुलभ शौचालयांची सोय

हेही वाचा : Credit Card फसवणूक....काय घ्याल काळजी?

"कळवणकरांनी नगरपंचायतीमध्ये सत्ता दिली. शहरातील विविध विकास कामांसाठी व अधिकाधिक दर्जेदार सुविधा देण्यासाठी प्रयत्नशील असून जॉगिंग ट्रॅक सारखे नावीन्यपूर्ण प्रकल्प आगामी काळात करण्यासाठी कटिबद्ध आहोत." - नितीन पवार, आमदार

"आमदार नितीन पवार यांच्या नेतृत्वाखाली शहराचा कायापालट करून जिल्ह्यात नव्हे तर उत्तर महाराष्ट्रात विकासकामांच्या बाबतीत कळवण नगरपंचायत रोलमॉडेल ठरेल यासाठी प्रयत्नशील आहे." - कौतिक पगार,नगराध्यक्ष

"कळवण शहराचा वाढता विस्तार आणि नागरिकांच्या विकासाप्रती असलेल्या अपेक्षा यातून कळवण शहरात विविध शहरी सुविधा निर्माण होत असून येत्या काळात आमदार नितीन पवार यांच्या नेतृत्वाखाली कळवण शहराचे रूप अधिक आकर्षक आणि विकासाभिमुख असेल."

-भूषण पगार, युवा नेते

शहराच्या वैभवात भर व नागरिकांच्या आरोग्यासाठी जॉगिंग ट्रॅकसाठी २२ कोटी रुपयांची योजना असून पहिल्या टप्प्यातील काम सुरू झाले आहे. दुसऱ्या टप्प्यातील कामांसाठी निधी उपलब्ध व्हावा यासाठी शासनस्तरावर प्रयत्न सुरू आहे."- अविनाश गांगोड, मुख्याधिकारी