नाशिक : फुलेनगर येथे बिबट्या जेरबंद | Sakal
sakal

बोलून बातमी शोधा

leopard

नाशिक : फुलेनगर येथे बिबट्या जेरबंद

सिन्नर (जि. नाशिक) : तालुक्यातील वावीजवळच्या फुलेनगर (माळवाडी) शिवारात गेल्या अनेक महिन्यांपासून वास्तव्यास असलेला बिबट्या (Leopard) शुक्रवारी (ता. २७) पहाटे वन विभागाने लावलेल्या पिंजऱ्यात जेरबंद (Trapped) झाला. (Leopard caught at Phulenagar Nashik News)

आठ दिवसांपूर्वी फुलेनगरला बिबट्या विहिरीत पडल्याची घटना घडली होती. सुमारे तासभर प्रयत्न केल्यावर हा बिबट्या स्वतःच विहिरीबाहेर पडला होता. तेव्हापासून वन विभागाने बिबट्याला पकडण्यासाठी पिंजरा लावला होता. दोन दिवसांपूर्वी थोरात वस्ती परिसरात वसंत पठाडे यांच्या घरासमोर बांधलेल्या वासराला हल्ला करून बिबट्याने जखमी केले होते. त्यामुळे पिंजऱ्याची जागा बदलून पठाडे यांच्या चिकूच्या बागेत सापळा रचला होता. शुक्रवारी मध्यरात्री या पिंजऱ्यात बिबट्या अडकला. सकाळी सातच्या सुमारास पठाडे पिंजऱ्याकडे गेले असता, हा प्रकार लक्षात आला. त्यांनी तातडीने आजूबाजूच्या शेतकऱ्यांना तसेच वन विभागाला माहिती दिली. सकाळी दहाच्या सुमारास वन विभागाच्या कर्मचाऱ्यांनी फुलेनगरला येत बिबट्याला मोहदरी येथील वन उद्यानात हलविले. बिबट्या दोन ते अडीच वर्षे वयाचा नर असल्याचे वन कर्मचाऱ्यांनी सांगितले.

हेही वाचा: नाशिक : डॉक्टरची रेल्वेखाली आत्महत्या

सकाळी पुन्हा बिबट्याचे दर्शन

फुलेनगर परिसरात एकीकडे बिबट्या अडकल्याची घटना घडली, तर दुसरीकडे त्याचवेळी पाझर तलाव परिसरात एका शेततळ्याजवळ बिबट्याने दर्शन दिले. त्यामुळे परिसरात एकापेक्षा अधिक बिबट्यांचा वावर असल्याचा शेतकऱ्यांचा दावा आहे. वन विभागाने पुन्हा या भागात पिंजरा लावण्याची मागणी करण्यात आली आहे.

हेही वाचा: दुगारवाडीची पाणी पुरवठा योजना कागदावरच!

Web Title: Leopard Caught At Phulenagar Nashik News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :NashikLeopardSinnartrap
go to top